Бу хакта ул социаль челтрәдәге сәхифәсендә хәбәр итеп, халыкны шаккатырды.
Концерт 27 сентябрьдә УНИКС концертлар залында булачак. Махсус кунак – Данир Сабиров. Тамаша «Җырчы блогер түгел» дип атала.
«Мин моңа озак килдем… Студиядә йокысыз төннәр, репетициядә аякка чыккан сөялләр – болар барысы да минем сәхнәгә чыгу юлым. Һәрберегезне күрергә шат булачакмын! Концертта минем беренче җырларымны, Сергей белән эшләү нәтиҗәсен күрәчәксез. Бию – минем өчен яңа әйбер. «Җырчы түгел блогер», монда өтер кирәк, сез аны концерттан соң куячаксыз. Очрашуга кадәр, тамашачым», – дип язган артист хатыны.
Моны 1 апрель көлкесе дип кабул итүчеләр дә бар. Концертка җыенучылар да күренә. Ә сез ышанасызмы?