Китаплар телефоннардан көчлерәк ул!

"Китап бәйрәме" - вакытны кызыклы һәм файдалы итеп үткәрүнең менә дигән ысулы. Фестивальдә хәтта бер-ике сәгать булу да укуга мәхәббәт үстерә торган фундамент булырга мөмкин. Моның чын күңелдән булуы гына мөһим.

Балагыз укырга яратмаса, ярминкәгә бөтен гаиләгез белән килегез! Ләкин «тегендә-монда йөрү» өчен генә түгел, ә программаны алдан өйрәнегез, план билгеләгез. Нәшрият чатырларына керегез: анда бала мәнфәгате буенча китаплар табарга булышучы кешеләр эшли. Машина яратамы? - Автомобильләр турында китаплар эзләгез. Хайваннар белән мавыгамы? - Табигать турында нәрсәдер сайлагыз. Иң мөһиме - баланың мавыгулары артыннан бару, - дип саный Ольга.

"Мин китап блогларын 10 елдан артык алып барам, һәм миңа еш кына сорау бирәләр: "Балалар укуны яратсын өчен нәрсә эшләргә?». Мин һәрвакыт әти-әниеннән сорыйм: "Сезнең китаплар белән бәйле гаилә традицияләрегез бармы?». Һәм ешрак җавап - юк. Күпләр балалар белән бергә укымый, китаплар сатып алмый, ә дәгъвалар баланың мәктәп программасын укырга теләмәвенә кайтып кала. Ләкин әгәр дә Сез балаларның укуын телисез икән, үрнәк күрсәтергә кирәк: китаплар сатып алырга, китапханәләргә йөрергә, ритуаллар булдырырга – мәсәлән, йоклар алдыннан уку, яки укыганнар турында фикер алышу.

Һәм катлаулы әдәбияттан башлау мәҗбүри түгел. Детектив алырга, ә аннары аны экранлаштыру белән чагыштырырга, нәрсә күбрәк ошаганлыгы турында фикер алышырга мөмкин. Шулай булгач, әгәр баланың укуын телисез икән - тырышыгыз. Чөнки, кызганычка каршы, гаджетлар әлегә бу сугышта җиңә. Әмма китаплар - көчлерәк, бигрәк тә алар гаилә традициясенең бер өлешенә әверелгәч», – ди Ольга.