Иртәгә “Китап-байрам” Уфаны шаулатачак!

Традиция буенча ярминкәне башкаланың Совет мәйданы уздырачак. Быел форумда дүрт йөздән артык катнашучы көтелә. Алар арасында Мәскәү, Санкт-Петербург, Уфа, Ростов, Киров, Мурманск, Самара, Волгоград, Саратов, Свердловск, Түбән Новгород Чиләбе өлкәләреннән, Чувашия, Удмуртия, Коми, Татарстан, Дагыстан, Марий Эл, Саха (Якутия), Хакасия, Мордовия республикаларыннан йөзгә якын нәшрият бар. Белоруссия һәм Кыргызстан нәшриятлары продукциясе белән танышырга мөмкин булачак. Быел ярминкәдә беренче тапкыр Иран нәшрияты катнаша.

Проект кысаларында Русия Язучылар берлеге рәисе – беренче секретаре Владимир Мединский, Русия китап берлеге президенты Сергей Степашин, Русия Дәүләт китапханәсе генеральный директоры, Русия Язучылар берлеге секретаре Вадим Дуд, Русия китап нәшриятчылары ассоциациясе президенты, Русия китап берлеге вице-президенты Константин Чеченев, «Москва» Китап сәүдә йорты генеральный директоры Марина Каменева, «Питер» нәшрияты башкарма директоры Анна Титова катнашында киң эшлекле программа планлаштырылган.

Быел әдәби ярминкәдә документаль прозага һәм нон-фикшн жанрына аерым игътибар бирелә. Глобаль үзгәрешләр һәм безнең тирәдә барган күпсанлы драматик вакыйгалар шартларында мондый китаплар аеруча актуальлек ала, әйләнә-тирә дөньяны һәм үз-үзеңне яхшырак аңларга ярдәм итә. Чарада бу жанрдагы бик күп басмалар тәкъдим ителәчәк, алар арасында заманча чакыруларны, социаль һәм сәяси үзгәрешләрне чагылдырган эшләрне, шулай ук тирән уйлану уята торган шәхси тарихларны табарга мөмкин булачак.

Алда торган китап ярминкәсенең төп темасы - «Сүз көче». Форумның беренче көне, 30 майда, «Батырлык турында сүз» девизы астында узачак һәм Бөек Ватан сугышы һәм махсус хәрби операция темасына багышланачак. Язучылар Олег Рой, шулай ук махсус хәрби операциядә катнашучылар: шагыйрь, лейтенант, танкка каршы взвод командиры Сергей Лобанов, җырчы, актер, автор-башкаручы, ”Таврида. Арт" музыкаль лейблы артисты Сергей Нихаенко белән иҗади очрашулар булачак.

III Халыкара китап ярминкәсенең рәсми ачылышы 13:30да була. Программаны алып баручыларның берсе – Русиянең атказанган артисты, «Минем Русия: музыкаль сәяхәт» фестиваленең сәнгать җитәкчесе, телевидение алып баручысы һәм «Галәм гүзәле» титулына ия Оксана Федорова. Ул шулай ук иҗади очрашу да уздырачак.

Икенче көнне, 31 майда, бәйрәм «Мәңгелек турында сүз» концепциясе астында дәвам итәчәк һәм классик әдәбиятка багышланачак. Биредә Бөек ватандашларыбыз Пушкин, Есенин, Чехов, Мостай Кәрим һәм башка урыс һәм милли әдәбият классикларының әсәрләре тәкъдим ителәчәк.

Өченче көн, 1 июнь, Балаларны яклау көне уңаеннан «Киләчәк турында сүз» шигаре астында узачак. Башкортстан балалар җыелма хоры чыгышы якты вакыйга булачак, анда 600 бала Бөек Җиңүнең 80 еллыгы уңаеннан форумның төп сәхнәсендә музыкаль әсәрләр башкарачак.