Вилдан "бывший"лардан көнләшәме?

Гөлназ Асаева белән аның ире Вилли Олеся Лесная белән әңгәмә корган.

"– Акчаны күбрәк урысча җырларны танытугамы, әллә татарчасына тотасыңмы?

– Урысча җырларны музыкаль мәйданчыкларга гына чыгарам, ә татарчага акча сорыйлар шул. Күп китә. Телеканаллар күп сорый.

– Ротациягә күпме китә айга?

– 150 мең сум!

– Син ул кадәр эшлисеңме соң?

– Юк!

– Гаилә бюджеты кем кулында?

– Бюджет нәрсә ул? (Вилли рәхәтләнеп көлә.) Гөлназның үз акчасы, минеке – үземнеке.

– Гөлназның «бывший»ларына көнләшәсеңме?

– Көнләшәм.

– Кайсына күбрәк? Ришат, Элвин Грей?

– Бөтенесенә дә. Менә икесенә нык көнләшәм.

– Гөлназга иң кыйммәтле бүләк?

– Безнең алай кыйммәтле нәрсәләр алган бармы икән?

– Ник БМВ алдың түгелме соң?

– Ник бүләкмени ул, мин дә анда йөрим бит. Якынча 200 мең сумга сумка алган бар.

– Син «каблук»мы?

– Әйе!

– Гөлназ бит күбрәк сине тыңлыйм, ди.

– Кая тыңлый? Бер дә тыңлаганын ишеткән юк әле.

– Сине еш кына «Элвин Грейның клоны» диләр.

– Әйтми башлаганнар иде бит инде. Каян син әйтәсең? Никадәр шул сүздән котылырга тырыштым.

– Ачуың киләме шулай охшатуларына?

– Килә, әлбәттә, әмма ул бит төшеп калган кешеләрдән түгел, яхшы кешегә охшатулары яхшы.

– Сез Элвин Грей белән нинди мөнәсәбәтләрдә?

– Бик яхшы. Гомумән сөйләшмибез.

Видеоны караучылар Виллины ошаткан. «Юмор хисе шәп!», «Ул миңа икенче яктан ачылды. Аның кебек дус кирәк иде», – дигән комментарийлар калдырганнар.