+24 °С
Яңгыр
Мәдәният һәм сәнгать
10 ноябрь 2025, 15:45
Сайлап алу процессы ачык һәм гадел уза
Бүген Башкортстан Башлыгы каршындагы Дәүләт хезмәте һәм идарә академиясе бинасында Шәехзадә Бабич исемендәге республика яшьләр премиясенә дәгъва кылучы конкурс эшләре буенча иҗтимагый фикер алышулар узды.
Сайлап алу процессы ачык һәм гадел уза
Тантаналы сүз белән академия ректоры вазыйфасын башкаручы Азат Бадранов чыгыш ясады. Ул Шәехзадә Бабич мирасының тарихи һәм рухи кыйммәтен билгеләп үтте, премиянең Башкортстан мәдәниятен һәм гражданлык җәмгыятен үстерүгә стимул буларак әһәмиятен ассызыклады, шулай ук номинантларга уңышлар һәм барлык катнашучыларга нәтиҗәле дискуссия теләде.
Фикер алышулар барышында өч номинант үзләренең конкурс эшләрен тәкъдим итте.
«Башкортостан» дәүләт концерт залы солисткасы, «Хәзинә» этно-проекты җитәкчесе Земфира - башкорт музыкаль мәдәниятен саклауга, үстерүгә, популярлаштыруга керткән өлеше һәм «NAZA» музыкаль альбомын булдырганы,
Башкортстанның атказанган артисты, Х. Әхмәтов исемендәге Башкорт дәүләт филармониясенең солист-вокалисты Алия Искужина - башкорт профессиональ академик вокаль музыкасын популярлаштырганы һәм халыкның киң катламнарын башкорт музыкаль мәдәниятенә җәлеп иткәне, Башкортстанның атказанган артисты, Х. Әхмәтов исемендәге Башкорт дәүләт филармониясенең солист-вокалисты, Халыкара, Бөтенрусия, республика җыр бәйгеләре лауреаты Дамир Таипов югары профессиональ казанышлары һәм вокал сәнгате өлкәсендә башкорт музыкасын пропогандалаганы өчен Шәехзадә Бабич исемендәге яшьләр премиясенә тәкъдим ителделәр.
Бүгенге иҗтимагый фикер алышуда катнашучылар каршында номинантлар үзләренең иҗаты белән таныштырды, чыгыш ясады, катнашучыларның сорауларына җавап бирде.
Иҗтимагый фикер алышу дәгъвачыларның һөнәри югары дәрәҗәсен, шулай ук сайлап алу процессының ачык һәм гадел булуын раслады.
Фото: bagsurb.ru
