+2 °С
Болытлы
Барлык яңалыклар
Мәдәният һәм сәнгать
31 гыйнвар , 12:15
Туган як моңнары яңгырады
Филармониянең Орган залында Башкортстан композиторларының «Алтын коллекциясе» яңгырады.
Туган як моңнары яңгырады
Башкорт дәүләт филармониясендә "Алтын коллекция. Башкортстан композиторлары» проекты кысаларында Халык уен кораллары милли оркестрының концерты узды. Программа коллективның төрле буын башкорт композиторларының бай музыкаль мирасы белән таныштыруга юнәлтелгән күләмле мәгърифәтчелек миссиясенең дәвамы булды.
Сәхнәдән танылган башкорт классиклары, хәзерге заман авторлары һәм яшь буын вәкилләренең әсәрләре яңгырады. Программада композиторлык таланты буыннан-буынга күчеп, Башкортстан гына түгел, Русия музыка мәдәнияте тарихының аерылгысыз өлешенә әверелгән музыкаль династияләр — гаиләләр темасы аерым урын алды.
Баш дирижер һәм сәнгать җитәкчесе Ринат Мөхәммәтҗанов җитәкчелегендәге оркестр башкаруында тамашачылар Заһир һәм Ләйлә Исмәгыйлевлар, Хөсәен һәм Морат Әхмәтовлар, Таһир һәм Айрат Кәримовлар, шулай ук Рафаил Касыймов, Камил Рәхимов, Нариман Сабитов, Анатолий Кукубаев, Илдар Хисаметдинов, Нур Даутов, Урал Иделбаев һәм башка авторлар әсәрләрен тыңлады.
Ринат Мөхәммәтҗанов, Башкортстан Халык уен кораллары милли оркестрының сәнгать җитәкчесе һәм баш дирижеры:
"Коллективның юбилее алдыннан без бу проектка аеруча зур дулкынлану белән әзерләндек. Сәхнәдән яңгыраган әсәрләр — Башкортстанның, бигрәк тә безнең коллективның алтын музыкаль коллекциясе. Чөнки нәкъ менә бу авторлар оркестрның башлангычында торган. Нур Даутов, Илдар Хисаметдинов, Анатолий Кукубаев беренчеләрдән булып оркестр өчен яңа әсәрләр язарга алынды, шуның белән коллективның иҗат репертуарын тулыландырды. Оркестр оеша башлаганда язылган әсәрләр бүгенге көнгә кадәр безнең репертуарда һәм концертларыбызда даими яңгырый. Бу әсәрләрдә оркестрның музыкаль палитрасы матурлыгы чагыла.
Тамашачылар реакциясеннән күренгәнчә, тыңлаучылар нәкъ менә шундый проектларны сагынган. Ахырда тамашачы безне сәхнәдән бик озак җибәрмәде, алкышларга коендырды, моның өчен без аларга чиксез рәхмәтле! Залда авторларның үзләрен – Нур Әзгать улын, Илдар Изил улын, Урал Мирас улын күрү күңелле булды”.
Концерт Башкортстан музыкасының тере, динамик үсештә булган, заманча музыкантлар тарафыннан сакланган һәм илһамланып дәвам ителүче традиция булуын раслады.
Фото: Ләйсән Миңнеханова.
Сәхнәдән танылган башкорт классиклары, хәзерге заман авторлары һәм яшь буын вәкилләренең әсәрләре яңгырады. Программада композиторлык таланты буыннан-буынга күчеп, Башкортстан гына түгел, Русия музыка мәдәнияте тарихының аерылгысыз өлешенә әверелгән музыкаль династияләр — гаиләләр темасы аерым урын алды.
Баш дирижер һәм сәнгать җитәкчесе Ринат Мөхәммәтҗанов җитәкчелегендәге оркестр башкаруында тамашачылар Заһир һәм Ләйлә Исмәгыйлевлар, Хөсәен һәм Морат Әхмәтовлар, Таһир һәм Айрат Кәримовлар, шулай ук Рафаил Касыймов, Камил Рәхимов, Нариман Сабитов, Анатолий Кукубаев, Илдар Хисаметдинов, Нур Даутов, Урал Иделбаев һәм башка авторлар әсәрләрен тыңлады.
Ринат Мөхәммәтҗанов, Башкортстан Халык уен кораллары милли оркестрының сәнгать җитәкчесе һәм баш дирижеры:
"Коллективның юбилее алдыннан без бу проектка аеруча зур дулкынлану белән әзерләндек. Сәхнәдән яңгыраган әсәрләр — Башкортстанның, бигрәк тә безнең коллективның алтын музыкаль коллекциясе. Чөнки нәкъ менә бу авторлар оркестрның башлангычында торган. Нур Даутов, Илдар Хисаметдинов, Анатолий Кукубаев беренчеләрдән булып оркестр өчен яңа әсәрләр язарга алынды, шуның белән коллективның иҗат репертуарын тулыландырды. Оркестр оеша башлаганда язылган әсәрләр бүгенге көнгә кадәр безнең репертуарда һәм концертларыбызда даими яңгырый. Бу әсәрләрдә оркестрның музыкаль палитрасы матурлыгы чагыла.
Тамашачылар реакциясеннән күренгәнчә, тыңлаучылар нәкъ менә шундый проектларны сагынган. Ахырда тамашачы безне сәхнәдән бик озак җибәрмәде, алкышларга коендырды, моның өчен без аларга чиксез рәхмәтле! Залда авторларның үзләрен – Нур Әзгать улын, Илдар Изил улын, Урал Мирас улын күрү күңелле булды”.
Концерт Башкортстан музыкасының тере, динамик үсештә булган, заманча музыкантлар тарафыннан сакланган һәм илһамланып дәвам ителүче традиция булуын раслады.
Фото: Ләйсән Миңнеханова.
Новости партнеров