-2 °С
Болытлы
Барлык яңалыклар
Мәдәният һәм сәнгать
13 март , 12:55
Уфада балет сәнгате фестивале гөрли
Уфада Рудольф Нуриев исемендәге XXVI Халыкара балет сәнгате фестивале гөрли.
Уфада балет сәнгате фестивале гөрли
Рудольф Нуриев исемендәге Халыкара балет сәнгате фестивале хаклы рәвештә абруйлы балет форумнарының берсе булып санала һәм дөньяның төрле почмакларында билгеле.
Беренче көнне тамашачыларга П.И. Чайковскийның «Аккош күле» балетын тәкъдим иттеләр.
Кичә Русия Зур театрында Юрий Григоровичның хореографик версиясе куелуга 60 ел тулуга багышланган П. Чайковскийның «Щелкунчик» балеты күрсәтелде. Төп партияләрдә Русиянең Зур театры прима–балеринасы Елизавета Кокорева һәм Русиянең Зур театры беренче солисты Даниил Потапцев чыгыш ясый. Дроссельмейер партиясен Башкорт опера һәм балет театрының балет труппасы артисты Дмитрий Сомов башкара.
14 мартта «Раймонда» спектакле күрсәтеләчәк.
15 мартта - Нуриев фестивале кысаларында Мәскәү дәүләт хореография академиясе концерты,
17 мартта композитор Людвиг Минкусның тууына 200 ел тулуга багышланган «Баядерка» спектакле булачак.
18 мартта тамашачылар Август Бурнонвиль хореографиясендә Херман Левенскольд музыкасына спектакльнең классик версиясенең 190 еллыгына багышланган «Сильфида» балетын күрә алачак.
19 мартта Л. Минкусның «Дон Кихот» балеты күрсәтеләчәк, анда Уфа тамашачылары Мария театры йолдызларын күрәчәк. Якташыбыз, Мариинканың прима-балеринасы Рената Шакирова Китри партиясен башкарачак, ә Эспада партиясендә якташыбыз, Мария театры солисты Наил Еникеев чыгыш ясаячак. Базиль партиясендә – Рөстәм Исхаков.
Нуриев фестивале 21 мартта Русиянең Зур, Мария һәм башка театрларыннан, шулай ук Казахстаннан әйдәп баручы солистларны җыйган гала-концерт белән тәмамланачак.
Фото: bashopera.ru
Новости партнеров