"Голос"ка тугыз тапкыр алмадылар"

Җырчы Айгизә Галимова федераль тамашаларга күпсанлы кастингларда катнашуы турында сөйли. Аның сүзләренчә, «Голос» шоуында гына да ул тугыз тапкыр узарга тырышып караган, һәм бу хакта үз язылучыларына әйтергә курыккан.

- Беләсезме, мин һәрвакыт кастингларга үзем турында белдерергә ниндидер соңгы шанска караган кебек карый идем. Бездә ниндидер романтизация бара - син кастингка барасың, ниндидер шоуга чыгасың һәм "йолдыз"га әвереләсең. Тик бу алай эшләми. Мине "кеше-кастинг" дип атарга мөмкин, чөнки тормышымның ниндидер мизгелендә мин моны үз юлым дип уйладым һәм бик күп кастингларга йөрдем, һәм беркайда да узмадым. Минем кастингларга йөрүем турында якын дусларым гына белә иде, мин бу хакта блогта әйтмәдем. Әгәр дә мин каядыр барсам — ә мин ТНТдагы «Песни»га, Антон Беляев белән LABга, хәтта Шнуров төркеменә дә бардым, өч минут җырладым да, 10 сәгать үземнең чыгуымны көттем, миңа "юк" диделәр һәм янә Уфага кайттым, — ди Айгизә.

Аның сүзләренчә, хәзер ул яхшы контент өчен, шулай ук кызыклы кешеләр белән танышу өчен кастингларга махсус йөриячәк. Элегрәк, җырчы билгеләп үткәнчә, аңа төрле кешеләрнең сорауларына җавап бирү авыр булган, ни өчен ул «Голос» шоуында катнашмавын яшергән. Хәзер җырчы ачыктан-ачык әйтә - ул тугыз ел рәттән тугыз тапкыр шоуга узарга тырышып караган, һәм аны алмаганнар. Ул омтылышларны 17 яшеннән башлаган.

Фото: социаль челтәрдән.