+6 °С
Облачно
Мәдәният һәм сәнгать
17 Апреля , 15:55
Милли кием көне - тарихка һәм мәдәнияткә хөрмәт
"Русия халыклары бердәмлеге елы"нда матурлык, тарих һәм милли мода бәйрәмен республика Мәдәният министрлыгы Уфа һәм Киров районнары хакимиятләре белән берлектә оештырды.
Милли кием көне - тарихка һәм мәдәнияткә хөрмәт
Әлеге бәйрәмдә башкала халкына һәм кунакларына стильләштерелгән киемнәр күрсәттеләр, шул исәптән «Тамга» башкорт милли костюмы осталары халыкара конкурсында катнашучылар, «Агыйдел башкорт сәнгать кәсепләре» предприятиеләре, шәхси осталар килгән иде.
Тамаша сәхнә осталарының концерт номерлары белән үрелеп барды — тамашачылар танылган иҗат коллективлары башкаруында җырлар һәм биюләр карады. Guzal Dance халык хореография коллективы, «Хәзинә» этно-проекты, солистлар Радмир Хәсәнов, Илнур Һибәтуллин, Алмаз Әюпов, Динар Фәйзуллин һәм башкалар чыгыш ясады. Казах телендәге җыры белән Ильяс Кинҗәгулов сөендерде.
Мәйданның бөтен периметры буйлап оста һөнәрчеләрнең палаткалары урнаштырылган, алар төрле халыкларның традицион бизәкле киемнәрен, символик бизәнү әйберләрен, кирәк-яракларын тәкъдим итте.
Милли кием көне һәрчак ата-бабаларыбыз белән аерым бәйләнеш һәм халкыбыз өчен горурлык тою, тарихка һәм мәдәнияткә хөрмәтне ныгыту өчен яхшы мөмкинлек булып тора.
Фото: Башинформ
Новости партнеров
