+16 °С
Болытлы
Гәзиткә язылуVKOKTelegram
Барлык яңалыклар
Кызыклы яңалыклар
4 февраль 2017, 02:00

Данир Сабиров – хастаханәдә?!

Эстраданың популяр артисты, юмор остасы Данир Сабиров гаиләсе белән Гарәп Әмир­лекләрендә ял итеп кайтты. Ялдан кайтуга, Сабировлар туп-туры Казанның балалар республика клиника хастаханәсенә юл тоткан. Данирның ике кызы да Дубайда бармакларын авырттырган.

– Мин – ялдан, балалар сугыштан кайткан төсле, – ди артист үзе. – Шулай туры килде: икесе дә ялгыш тырнагын өзеп, бармагын авырттырды. Комда уйнап, тырнакларына зыян килгән, күрәсең, бармаклары шеште. Казанда хастаханәдә бәйләп куйдылар. Ә гомумән алганда, ялыбыз яхшы узды. Истәлеккә дип үземә гарәп ирләренең киемен сатып алдым. Шул киемнән шаян видео да төшердек. Быел беренче тапкыр әти-әниемне чит илгә алып барырга насыйп булды, Аллаһка шөкер. Бер атна ял күз ачып йомганчы узып та китте. Озаграк торып булмады, чөнки юбилей концертыма әзерләнәсем бар, – дип сөйли Данир Сабиров.

Билгеле булганча, 1 февральдә Данир Сабировка – 30 яшь, иҗади эшчәнлегенә исә 5 ел тула. Бу уңайдан артист Казанда үзенең иҗат кичәсен үткәрергә җыена.
Читайте нас: