Язның беренче көне белән котлыйбыз! Ә сез 1 мартта Бөтендөнья комплиментлар көне билгеләнүен беләсезме? Бу көнне матур сүзләр якыннар һәм туганнарга гына түгел, ә бөтенләй таныш булмаган кешеләргә дә юлланырга тиеш.
Шулай ук, язның беренче көнендә Русиядә Мәчеләр көне билгеләнә. Бәйрәм уңаеннан дүрт тәпиле дусларыгызны тәмле ризыклар белән сыйларга онытмагыз!
Халык ышанулары буенча, 1 мартта кояш аерым көчкә ия. Шуңа күрә элегрәк заманда авырлы хатыннар бу көннең көчен җыеп калу өчен кояшта озаграк кызынырга тырышкан.