+11 °С
Яңгыр
Гәзиткә язылуVKOKTelegram
Барлык яңалыклар
Кызыклы яңалыклар
30 март 2017, 16:40

Күпкатлы йорт... астероидта төзеләчәк

Чит планеталарда, чит галактикаларда яшәүче кешеләр турында киноларда гына күреп белә идек. Мондый күренешләр якын киләчәктә гамәлгә ашмакчы. Нью-йоркның “Clouds Architecture Office” архитектура компаниясе астероидта күпкатлы йорт төзиячәген хәбәр итте.

Йорт “Аналемма каланчасы” дип аталачак. Ул Җир шары тирәли әйләнеп йөрүче астероидка калын трослар белән элеп куелачак. Җирдәге сыман, түбәндәге катларда офислар урнашачак һәм югары катларда торак фатирлар булачак. Архитекторлар объектны Дубай күгендә төзергә һәм галәмгә күчерергә исәп тота. Шуңа күрә торак шартларын яхшыртырга өлгермәгәннәр ипотека кредиты алырга ашыкмасын, дип әйтәсебез килә. Җирнең колониясенә күченергә теләмисезме? Кем белсен, бәлки, астероидта тәкъдим ителәчәк хаклар бездәгедән дә арзанрак булыр?
Читайте нас: