+16 °С
Болытлы
Гәзиткә язылуVKOKTelegram
Барлык яңалыклар
Кызыклы яңалыклар
1 апрель 2017, 02:00

Капсула төзелә башлаган. Пассажирлар өчен

Кайберәүләр фантастик киноларга көлеп карый. Ә бит, уйлап карасың, анда күрсәтел­гәннәрнең күбесе гамәлгә аша. Кино герой­ларының без күнеккән транспорт чараларында түгел, ялтырап торган тартмаларда хәрәкәт итүе гадәти күренеш. Якын киләчәктә үзебезнең дә мондый транспорт чарасыннан файдалануыбыз ихтимал. АКШның Hyperloop Transportation Tehnologies (HTT) фәнни-тикшеренү үзәге пассажир капсуласы төзи башлаган. Аның озынлыгы – 30, киңлеге – 2,7 метр һәм авырлыгы 20 тонна. Капсулага 28-40 кеше сыячак. Транспорт чарасы сәгатенә 1223 чакрым үтәчәк. Чагыштырып караганда, капсула самолеттан – ике тапкыр, тиз йөрүче поезддан ике-дүрт тапкыр тизрәк хәрәкәт итәчәк. Нәкъ фантастик кинолардагы сыман. Мондый транспорт чарасы җәмгыятьтә файдаланыла башласа, тиешле урынга яшен тизлегендә барып җитәчәкбез һәм эшкә беркайчан да соңламаячакбыз.

Читайте нас: