-6 °С
Болытлы
Барлык яңалыклар
Кызыклы яңалыклар
15 июнь 2017, 02:00
Боспор патшалыгы кайда?
Русия Фәннәр академиясенең Көнчыгыш-Боспор археологик экспедициясе – Русиянең көньягында казынулар алып баручы иң “карт” экспедицияләрнең берсе. Әлеге вакытта ул Краснодар өлкәсендә Боспор патшалыгы археологик һәйкәлләрен тикшерә. Бу патшалыкка безнең эрага кадәр VI гасырда грек яулап алучылары тарафыннан нигез салынган. Казынулар ел әйләнәсенә берничә антик һәм урта гасыр корылмаларында алып барыла.
2015 елда археологик тикшеренүләр Кырымның Керчь ярымутравында да башланды. Яковенково (Кыз-Аул) поселогына экспедиция быел 1 июльдән 1 сентябрьгә кадәр оештырылачак. Былтыр Кыз-аул некрополендә лагерь оештырылып, галимнәргә ярдәмгә бер мең волонтер килде. Безнең эрага кадәр I гасырга (Боспор патшалыгына) һәм иртә урта гасырга (безнең эраның V-VIII гасырлары), ягъни Хазар каганаты чорына караган каберлекләр, бакыр бизәнгечләр табылды. Антик чор кешеләренең каберлек өчен монументаль таш төрбәләр төзүе, ә урта гасырныкыларның аларны торак итеп файдалануы ачыкланган.
Новости партнеров