+21 °С
Болытлы
Кызыклы яңалыклар
27 декабрь 2019, 08:25
Данир Сабиров хатыны алдында көлкегә калган. Әллә?..
Бу хакта социаль сәхифәсендәге биттә мәрәкә видео бар.
Бу хакта социаль сәхифәсендәге биттә мәрәкә видео бар.
Анда артистның хатыны Миләүшә иреннән көлә. Данир спортзалга, яки берәр кая җыена башласа, хатынын аптырата икән: «Миләүшә, кая минем трусик, кая минем носки? Миләүшә, кая минем форма, кая минем су сала торган савыт һәм сумка?" Ә иң соңгысы: „Кая минем каеш?“ (ә ул, һичшиксез, кызыл булырга тиеш!).
Һәрнәрсәдән кызык таба торган артист үзе исә, иң гаҗәбе - инде бөтенләй җыенып бетеп чыгып киттем дигәч кенә өйдә телефон онытылып калганы беленә, дип өстәп куя.
«Телефоның гына булса ярар, акчаңны да, тутырылган сумкаңны да калдырып чыгып китәсең бит!» — дип битәрли Миләүшә.
«Син миңа аны үзең бөтенесен җыйнап, кулыма тоттырырга тиеш! Кайчакта, менә монда ул, дип, бик белдекле кыяфәт чыгарып, китереп биргән сумкаң эчендә берни дә булмый, я ул әйбер бөтенләй машинада калган була», — дип җаваплый хатынына Данир.
Инстадуслары моңа каршы: «Өйдә дә нәкъ концерттагыча икән бит сезнең. Бөтен нәрсә дә тормыштан алына шул»; «Аңа шулай килешә дә, ул бит артист», — дип язган.
Кайберләре: «Мин генә шулайдыр дигән идем, минем кебек хатыннар бар икән, ирләрне садикка җибәргән кебек җибәрәбез»;
«И, кызлар, кием ни ул, минеке холодильникны ачып алып та ашамый, тапмый, син алып бирсәң, тәмлерәк, дип көтеп утыра»;
«Мин кайвакыт хәтта исемне дә хатыннан сорыйм», — дип язган берәү.
Бу язганнарга нокта куеп, бер ханым: «Бездә алай түгел! Ирем дә, балалар да үз әйберләренең кайда икәнен беләләр. Һәр әйбернең үз урыны бар», — дип Миләүшәгә теләктәшлек белдерә.
Бу хакта "Интертат.ру" яза.
Фото: "Татар-информ" агентлыгыннан
