+21 °С
Болытлы
Кызыклы яңалыклар
26 февраль 2022, 08:54
100 миллион ел элек тараканнар төнлә йоклаган
Тулай торактагы тормышымнан калган иң истәлекле хатирәләрнең берсе – тараканнар. Кичен бүлмәгә кайтып кереп, утны кабызу белән алар кайсы кая чабыша иде. Ләкин 100 миллион ел элек алай булмаган. Тараканнар, көндез якты дөньяда яшәп, төнлә йокыга талган.
100 миллион ел элек тараканнар төнлә йоклаган
Моны каян белгәннәр, дисезме? Палеонтологлар Мьянма (Бирма) дәүләтендә гадәти булмаган гәрәбәгә юлыккан. Аның эчендә... борынгы таракан катып калган булган. Белгечләр фикеренчә, бу бичара чираттагы “сәяхәте” вакытында нарат сумаласы эченә кереп баткан, гасырлар эчендә сумала катып, гәрәбәгә әверелгән. Ә таракан исә шуның эчендә бозылмыйча сакланган.
Галимнәр, зур саклык белән гәрәбәдән тараканны тартып чыгарып, аның һәр органын тикшергән. Нәтиҗәдә, борынгы “озынмыек”ның, хәзерге кардәшләре белән чагыштырганда, бер зур үзенчәлеге булуы ачыкланган. Аның күзләре көн яктылыгына яраклашкан булган, ә хәзерге тараканнарның организмы төнгә җайлашкан.
Галимнәр, зур саклык белән гәрәбәдән тараканны тартып чыгарып, аның һәр органын тикшергән. Нәтиҗәдә, борынгы “озынмыек”ның, хәзерге кардәшләре белән чагыштырганда, бер зур үзенчәлеге булуы ачыкланган. Аның күзләре көн яктылыгына яраклашкан булган, ә хәзерге тараканнарның организмы төнгә җайлашкан.
