+22 °С
Яңгыр
Кызыклы яңалыклар
6 июнь 2023, 04:02
"Бәрде яшен, бетте ут!"
Данир да, Айдар да микрофонсыз калды. Башкалар да... Нишләргә инде?!
"Бәрде яшен, бетте ут!"
Бу хакта юмор остасы Данир Сабиров социаль челтәрдә болай яза:
– 2 июнь көнне мәҗлескә төркемем белән эшләргә чакырылган идем. Матур мәҗлескә, дип искәртим әле: балалары әниләренә күчтәнәч ясарга теләгән иде. Бик әзерләнелгән юбилей... Әмма көтмәгәндә ут сүнде! Ә без ситуациядән чыгу юлын таптык: телефон утларын куеп, барлык килгән артистлар баянга җырлап, гомергә хәтердә калырлык итеп бәйрәм иттек. Җылы, рәхәт кич булды.
Нинди генә кыенлыклар очрамасын, һәр хәлдән чыгу юлын табып була. Бәйрәмнең атмосферасы – шушы видеода. Иренми карап чыгыгыз әле. Кабатлап әйтәм: шундый рәхәт булды, махсус утны сүндереп, тагы бер бәйрәм итәсе килә хәзер! – ди ул.
Видеода күренгәнчә, артистлар берсе дә югалып калмаган, Айдар Галимов: "Әлеге вакытта иң курыкканым - ут кына кабынып китмәсә ярар иде!" - дип тә көлдергән.
Кызганыч, концерт залында утсыз булмый шул...
