Киләсе елның үзенчәлеге нәрсәдә?

Әйе, соңгы кәбисә елы һәммәбезнең исендә — 2020 елда дөньяны коронавирус пандемиясе тетрәтте. Әйдәгез, моны очраклы туры килүгә санап, яхшыга ышаныйк. Яңа елга кергәндә позитив карашта булу бик мөһим! Кәбисә елы елмаеп торучы оптимистларны ярата. Ә һәрвакыт кашлары җыерылганнарны өнәми.

Шулай да кайбер кисәтүләргә игътибар итегез. Мондый елда ниндидер зур эшләргә тотынырга, үзгәрешләргә керешергә ярамый. Өйләнешү дә хәерле булмый, дип саныйлар.

Алдагы ел тотрыклылык ярата. Быел башланган эшләрне җайлап кына дәвам итәргә кирәк булыр. Көнчыгыш календаренда Яңа ел һәрвакыт төрле даталарда башлана. Бу юлы Аҗдаһа патшалыкны 10 февральдә алачак. Ә алдагы елның 28 гыйнварында аның хакимлек вакыты тәмамланачак. Бу, әлбәттә, формаль кысалар. Мифологик зат бик шәфкатьле, шуңа аның килүен алдан билгеләвегезгә һич ачуланмас.

Яңа елны каршылаганда яшел, кызыл, алтынсу төсләргә өстенлек бирегез. Ә өстәлегездә янып торган кызыл җимешләр булу хуплана.
Аҗдаһа — көчле зат, ул максатчан кешеләргә уңыш алып килә. Ел хуҗасы бик зирәк тә. Ул конфликтларга кермәскә, компромисслар табарга киңәш итә. Ә менә бурычлардан һәм кредитлардан котылырга тырышыгыз. Аҗдаһа “артык койрыклар”ны бик өнәми...

Ләйсән Якупова фотосы.