Бүген гади көн түгел икән!

25 ноябрьдә һич кенә дә начар гамәлләр башкарырга ярамый. Хәтта негатив уйлар да күңелсезлекләргә китерергә мөмкин икән.

Сөйгәнен очратмаган кызларга бу көнне хатын-кызлар компаниясендә генә үткәрергә ярамый, дип санала. Югыйсә, язга кадәр ялгыз булырлар. Егетләр булган компаниядә аралашу мөмкинлеге булмаса да, җаен табарга кирәк — абыйсы булган дус кызга кунакка барырга, футбол күрсәтелгән кафега керергә...

Бүген дус кызы белән бергә аяк киеме сатып алган кызны мәхәббәт өлкәсендә уңышсызлык көтәчәк, сак булыгыз.
Ә менә башка әйберләрне сатып алу хуплана. 25 ноябрьдә алынган әйберләр озак хезмәт итәчәк.

Якыннарыгызның, туганнарыгызның, өлкәннәрнең киңәшенә бүген аеруча игътибарлы булыгыз. Ул киңәшләр зур уңышларга ирешергә ярдәм итәр.

Кызыклы сынамыш: бүген хатын-кыз ирен чикләвек белән сыйласа, ул зарланудан туктар, мәхәббәте артыр, назлыга әйләнер.

Борынгылар шуны да искә алган — 25 ноябрьдә ир-егетләр аеруча юмарт була икән! Ләкин аларга каршы дәшәргә, алар белән килешмәскә кирәкми. Кызлар, мөмкинлекләрне кулдан ычкындырмагыз!

25 ноябрь сынамышлары:
Чыпчыклар бик кычкырыша икән — җылытачак.
Көндез кар яисә яңгыр яуса, 4 декабрьгә кадәр җылы булачак.
Болытлар җилгә каршы йөзсә, кар явачак.
Болытлар бик түбән булса, суыта.
25 ноябрьдә көн нинди, декабрь башы да шундый булачак.

Ләйсән Якупова фотосы.