Иртәгә кызларга авыр сүз әйтүдән сак булыгыз!

7 мартта ир-егетләргә хатын-кызлар белән дорфа сөйләшергә ярамый. Югыйсә, аларны мәхәббәттә һәм карьерада уңышсызлыклар көтә.

Борынгы сынамышлар буенча, 7 мартта кышкы киемнәрне еракка алып куярга кирәкми. Чөнки язның холкын белеп булмый әле.

7 мартта һич кенә күңелсезләнергә, газаплы-сагышлы уйларга бирелергә ярамый. Бу хәл күңелсез нәтиҗәләргә китерергә мөмкин.

Иртәгә ертык, тишек, пычрак кием киюдән сак булыгыз. Киенәрегез чиста, пөхтә, матур булса, чир-сырхаулар урап узар.

7 мартта әтиләргә кызларына авыр сүз әйтергә, аларны тиргәргә ярамый! “Кара көчләр” негатив җибәрергә мөмкин икән.

Иртәгә өегездә үрмәкүч күрсәгез, тимәгез. Яшәсен. Проблемалар килмәс.

Хатын-кызлар иртәгә үзләре кебек гүзәл затлар белән генә көн үткәрмәсен. Югыйсә, ел буе ялгыз булачаклар.

Шулай ук кызларга иртәгә очып барган карлыгачка төртеп күрсәтергә дә ярамый икән. Әгәр бу матур кошны күрсәгез, сөт белән юыныгыз, кызлар, бик чибәрләнеп китәрсез!

7 мартта теш белән ватып көнбагыш ашаган кешенең тиздән тешләре коелып бетәргә мөмкин, имеш...

7 март сынамышлары:
Карлыгачлар һәм каргалар кайткан икән, яз бик матур, җылы булачак.
Бу көнне салкын булса, җәй яңгырлы булачак.
Чыршылар һәм наратлар шауласа, җылытачак.
Кар явып, буранлап китсә, яз тиз генә килмәяәчәк.
Бу көнне кәбестә утырткан кешенең уңышы яхшы була икән.

Менә шундый сынамышлар. Елмаеп куяр вакыт җитте!

Автор фотосы.