Быел кыш нинди булыр?

25 сентябрьдә миләш җимешләрен җыю, алардан төрле кайнатмалар, төнәтмәләр ясау хәерле саналган.
Кызлар 25 сентябрь кичендә миләш ботагын өзеп, кич мендәр астына салып йокласа, төшендә булачак киявен күрәчәк, дигән сынамыш та бар.
Бу көн яңа эшләр һәм сатып алулар өчен уңайсыз санала. Шулай ук озын сәяхәтләрне кичектерергә тырышыгыз.

25 сентябрьдә нишләргә ярамый:
начар уйларга бирелергә һәм явыз гамәлләр кылырга;
авыр хезмәт белән шөгыльләнү — бу көн рухи тынычлык һәм дога кылу вакыты, ә хәлдән тайдыра торган эш өчен түгел;
мохтаҗларны читләтеп үтәргә —шәфкатьлелек күктән фатиха җәлеп итәчәк;
чәч һәм тырнакларны кисәргә — сәламәтлекне һәм уңышны “кисеп төшерергә" мөмкин;
таныш булмаган кешеләрдән бүләкләр кабул итәргә — алар белән бергә «бүләккә» ярлылык яки авыру алырга мөмкин;
өйдән нидер чыгарырга — бу көнне торактан чүп-чар белән муллыкны һәм уңышны «юып чыгарырга» мөмкин.

25 сентябрьгә һава торышы сынамышлары:
имән һәм каеннар барлык яфракларын койган икән - кыш йомшак булачак;
яфраклар агачларда калган — декабрьдән февральгә кадәр чатлама салкыннар көтелә;
күк күкри - җылы һәм озын көзгә;
бу көнне яңгыр ява — озын һәм салкын кышка.