Кызыл төймә тагыгыз, кызлар!

11 ноябрьне ялгызлыкта да, таныш булмаган кешеләр белән дә үткәрергә ярамый. Иң яхшысы — бу көнне гаилә белән берлектә, тәмле ашлар белән сыйланып, сөйләшеп-аралашып үткәрү. Якыннарыгыз белән шатлыкларыгызны да бүлешегез, күңелсезлекләрегез турында да сөйләгез. Болай итсәгез, бәла-казалар урап узар, гаиләгездә татулык хөкем сөрер.

Иртәгә табын корганда игътибарлы булыгыз. Моның белән кияүдәге хатын-кызлар шөгыльләнсен. Кияүгә чыкмаган кыз табын корса, бик озак парлы була алмас.

Хатын-кызларга 11 ноябрьдә “буш муен” белән йөрергә ярамый икән. Муенса яисә матур чылбыр тагарга кирәк. Ә кызыл төстәге төймә таккан гүзәл затларны барлык яклап уңыш көтә!

Иртәгә өегезгә таныш булмаган кешене кертмәгез. Балаларны ялгыз калдырмаска тырышыгыз. Таныш булмаган кешене күргән бәләкәчләр тынгысызга әйләнәчәк.

11 ноябрь сынамышлары:
Болытлар түбән йөзсә, суытачак.
Күгәрченнәр гөрләшә икән, һава торышы яхшы булачак.
Каргалар каты кычкырышса, салкыннар килә.
Берничә бүренең бергә болын-кырлар буйлап йөргәнен күрсәгез, сагаерга кирәк, тиздән бөтен илгә зур бәла килергә мөмкин...

Сынамышлар буенча, 11 ноябрьдә туган кеше озын гомерле була икән. Ул хайваннар телен дә аңлый ала, ди!