Ничек бар, шулай яктырта Без яшәгән заманны!
“Кызыл таң”ның 100 еллыгына багышланган тантаналы кичәдән фоторепортаж.5 апрель кичендә гәзит хезмәткәрләре, аның ветераннары, авторлары, укучылары, матбугат, әдәбият һәм сәнгать сөючеләр Уфаның Конгресс-холл бинасына җыелдылар. Кичә башланырдан байтак алда фойе тамашачылар белән тулы иде. Очрашулар, сөйләшүләр, хәл белешүләр... Чөнки монда очраклы гына кешеләр килмәгән: күпләр бер-берсен күреп белә, ә кемнәрдер гәзит битләре аша таныш.