Барлык яңалыклар
“Кызыл таң”га – 100 ел
30 апрель 2018, 11:41

“Бер гасырлык юбилеең быел, Без шуңа җырлыйбыз сиңа дан!”

“Кызыл таң”ның җырлы кичләре”н Туймазы районы кабул итте.Уфа “Нур” татар дәүләт театрында дүрт елга якын барган “Кызыл таң”ның җырлы кичләре” проектында 36 район катнашты. Бүген ул төбәкләрдә дәвам итә – “Кызыл таң”ның җырлы кичләре”н гәзит тарихында беренче тапкыр Туймазы районы кабул итте.Туймазы татар дәүләт драма театрында үткән зур бәйрәмгә килүчеләрне фойеда Төмәнәк мәдәният йорты директоры Раушания Зарипова җитәкчелегендәге “Рухият” халык уен кораллары ансамбле дәртле татар халык көйләре белән каршылады.