-4 °С
Болытлы
Барлык яңалыклар
Милләт
28 июль 2023, 23:20
“Җырлыйк әле!” “Бабай утары”н янә моңга күмәчәк
“Җырлыйк әле!” фестиваль-бәйгесенә әзерлек чикләрендә Башкортстан Республикасы “Ак калфак” татар хатын-кызлары иҗтимагый оешмасының чираттагы утырышы узды.
“Җырлыйк әле!” “Бабай утары”н янә моңга күмәчәк
Үзешчән татар фольклор коллективлары арасында оештырылган “Җырлыйк әле!” фестиваль-бәйгесе – Люция Вафина җитәкчелегендәге иҗтимагый оешманың иң зур проектларының берсе. Телебезне, гореф-гадәтләребезне, йолаларыбызны өйрәнү, саклау һәм киләсе буынга тапшыру максатын күз уңында тоткан әлеге чара быел августта Туймазы районының Төмәнәк авылы янындагы “Бабай утары” ачык һава астындагы этномузей биләмәсендә 6нчы тапкыр узачак.
Узган елдан башлап әлеге фестивальдә, Башкортстандагы коллективлардан тыш, күрше төбәкләрнең үзешчән ансамбльләре дә катнаша. Быел исә республикабыздагы 13 үзешчән коллектив белән бер сәхнәдә Татарстан, Марий-Эл республикалары, Казахстан кунаклары да чыгыш ясаячак. Биш ел дәвамында әлеге бәйгедә Гран-при яулаучылар да үзләренең чыгышларын тәкъдим итәчәк. Ике көн дәвамында фестиваль уздырылган мәйданга 700дән артык кеше килүе көтелә.
Әлеге күләмле чарага әзерлек чикләрендә күчмә утырышка берничә ел элек Уфа шәһәрендә оешып, уңышлы эшләп килүче “Нәүруз” татар фольклор һәм вокал ансамбле юкка гына чакырылмады. Лилия Мөхәммәдиева җитәкчелегендәге ансамбль, “Ак калфак”ның байтак чараларында актив катнашудан тыш, әлеге фестивальне үткәрүгә дә үз өлешен кертәчәк.
Әйткәндәй, әлеге коллективта яшьләр дә бар. Шулай, Ясминә Мөхәммәдиева - 13 яшьтә булуына карамастан, бик күп иҗади конкурслар җиңүчесе. Сарманда үткәрелгән “Илһам чишмәләре”ннән дә “Су буенда” һәм “Әдрән диңгез” җырларын башкарып, дипломант булып кайтты.
Шулай ук бу көнне Агыйдел һәм Сим елгалары кушылган урында Мидхәт Әбделманов һәм Люция Вафина иҗат иткән “Ак калфак” җырына “Нәүруз” ансамбле яңа клип та төшерде.
“Җырлыйк әле!”гә әзерлек тулы куәткә бара. Фестиваль быел да бик оешкан төстә узар, төрле төбәкләрдә яшәүче милләттәшләребезне бергә җыеп кына калмыйча, башка еллардагы кебек, анда катнашучыларның һәммәсенә онытылмас тәэссоратлар, очрашу, аралашу шатлыгы да бүләк итәр, дип ышанасы килә.
Фото: Эльвира Ямалетдинова.
Узган елдан башлап әлеге фестивальдә, Башкортстандагы коллективлардан тыш, күрше төбәкләрнең үзешчән ансамбльләре дә катнаша. Быел исә республикабыздагы 13 үзешчән коллектив белән бер сәхнәдә Татарстан, Марий-Эл республикалары, Казахстан кунаклары да чыгыш ясаячак. Биш ел дәвамында әлеге бәйгедә Гран-при яулаучылар да үзләренең чыгышларын тәкъдим итәчәк. Ике көн дәвамында фестиваль уздырылган мәйданга 700дән артык кеше килүе көтелә.
Әлеге күләмле чарага әзерлек чикләрендә күчмә утырышка берничә ел элек Уфа шәһәрендә оешып, уңышлы эшләп килүче “Нәүруз” татар фольклор һәм вокал ансамбле юкка гына чакырылмады. Лилия Мөхәммәдиева җитәкчелегендәге ансамбль, “Ак калфак”ның байтак чараларында актив катнашудан тыш, әлеге фестивальне үткәрүгә дә үз өлешен кертәчәк.
Әйткәндәй, әлеге коллективта яшьләр дә бар. Шулай, Ясминә Мөхәммәдиева - 13 яшьтә булуына карамастан, бик күп иҗади конкурслар җиңүчесе. Сарманда үткәрелгән “Илһам чишмәләре”ннән дә “Су буенда” һәм “Әдрән диңгез” җырларын башкарып, дипломант булып кайтты.
Шулай ук бу көнне Агыйдел һәм Сим елгалары кушылган урында Мидхәт Әбделманов һәм Люция Вафина иҗат иткән “Ак калфак” җырына “Нәүруз” ансамбле яңа клип та төшерде.
“Җырлыйк әле!”гә әзерлек тулы куәткә бара. Фестиваль быел да бик оешкан төстә узар, төрле төбәкләрдә яшәүче милләттәшләребезне бергә җыеп кына калмыйча, башка еллардагы кебек, анда катнашучыларның һәммәсенә онытылмас тәэссоратлар, очрашу, аралашу шатлыгы да бүләк итәр, дип ышанасы килә.
Фото: Эльвира Ямалетдинова.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27