+21 °С
Болытлы
Милләт
18 апрель 2025, 14:55
Быел да диктантны бердәм һәм бергә языйк!
Акцияда катнашу — ул туган телебезгә мөнәсәбәтебезнең чагылышы.
Быел да диктантны бердәм һәм бергә языйк!
Ел саен үз мәйданчыкларында туган телен хөрмәт итүче меңнәрчә кешене бергә туплаучы чараның әһәмияте турында Бөтендөнья башкортлары корылтае Башкарма комитеты рәисе Юлдаш Йосыпов үз фикерен белдерә.
– Бүген, тиз үзгәрүчән, глобальләшү, технологияләр заманында, безгә – башкорт халкына туган телебезнең яңа дәрәҗәгә чыгуы, яңа даирәләргә таралуы бик мөһим. Һәр тел – ул аерым бер халыкның гына түгел, барлык кешелекнең мирасы. Моны башта үзебез аңларга, күрсәтергә һәм исбатларга тиешбез. Шуңа күрә Башкорт теленнән халыкара диктант кебек әһәмиятле чараларда һәрберебезнең катнашуы һәм якыннарыбызны, дусларыбызны, танышларыбызны чакыру кирәк. Акцияда катнашу — ул ниндидер дәрәҗәдә туган телебезгә мөнәсәбәтебезнең чагылышы да.
Башкорт теленнән диктантны берничә вариантта оештыру отышлы. Нәтиҗәдә анда туган телендә иркен аралашкан кешеләр дә, телне яңа башлап өйрәнүчеләр дә, диалектларда сөйләшүчеләр дә, хәтта башкорт теле белән кызыксынган башка милләт вәкилләре дә катнаша ала. Ә безнең өчен, ягъни башкорт җәмәгатьчелеге вәкилләре өчен, бу чарада катнашу мәҗбүри башкарылырга тиешле изге бурыч дисәм дә арттыру булмас, — дип билгеләде Юлдаш Мөхәммәт улы.
Башкорт теленнән халыкара диктант быел 26 апрельдә старт ала һәм 28 апрельгә кадәр дәвам итәчәк. 26 апрельдә сәгать 11дә Башкортстан юлдаш телевидениесендә туры эфир башлана. Елдагыча, өч вариантта – башкорт телен башлап өйрәнүчеләр, яхшы белүчеләр һәм көньяк-көнбатыш диалектында сөйләшүчеләр өчен текстлар тәкъдим ителәчәк.
Быелгы темалар Ватанны саклаучыларга, Бөек Ватан сугышында Бөек Җиңүнең 80 еллыгына, тынычлык һәм бердәмлеккә багышлана.
Башкорт теленнән диктантны, гадәттәгечә, ике төрле язып була.
Офлайн формат
26 апрельдә М. Акмулла исемендәге Башкорт дәүләт педагогия университетында, Уфа Фән һәм технологияләр университетында, Мәгарифне үстерү институтында, Милли музейда, Дәүләт җыелышы-Корылтайда, Ә.З. Вәлиди исемендәге Милли китапханәдә, Уфа күппрофилле һөнәрчелек колледжында, Русия Фәннәр академиясе Уфа федераль эзләнү үзәгенең Тарих, тел һәм әдәбият институтында, Уфа шәһәре хакимиятенең мәгариф идарәсендә, 28 апрельдә — "Яшьлек House" яшьләр йортында төп майданчыклар оештырыла.
Офлайн майданчыкларны мәдәният, белем бирү оешмалары, төрле предприятиеләр үзләре дә оештыра ала. Моның өчен 25 апрельгә кадәр bashdictant.ru сайтында майданчыкны теркәргә кирәк.
Катнашучылар: Офлайн-майданчыкларда диктант язарга теләгән һәр кеше катнаша ала, аларга 10-25 апрельдә bashdictant.ru сайтында теркәлү үтәргә кирәк.
Эшләрне тикшерү: Эшләрне майданчыкларны оештыручыларга калдырырга, алар арытаба экспертларга тапшыра.
Онлайн формат
26 апрельдән 28 апрельгә кадәр уза. 26 апрельдә 11 сәгатьтә Башкортстан юлдаш телевидениесендә, акциянең рәсми сайтында, акцияне оештыручыларның социаль челтәрләрдәге сәхифәләрендә туры эфир башлана. Аның барышында дикторлар диктантның өч вариантын укый (башлап өйрәнүчеләр, яхшы белүчеләр һәм төньяк-көнбатыш диалектта сөйләшүчеләр өчен).
Эфир төгәлләнгәннән соң язма bashdictant.ru сайтына, https://vk.com/bash_tv, https://vk.com/bash_fond сәхифәләренә куелачак. Теләүчеләр бу язмаларны карап, диктантны соңрак та яза ала.
Кайда: Интернет челтәренә керү мөмкинлеге булган урын.
Катнашучылар: теләгән кеше катнаша ала, теркәлү кирәкми.
Эшләрне тикшерү: диктантларның фотосын (сканын) t.me/bash_dictant_bot телеграм-ботына, яки bashdictant2025@yandex.ru электрон почтасына җибәрергә кирәк.
Диктантта катнашучыларга сертификатлар электрон почтага яисә телеграм-боттан җибәреләчәк. Акциянең рәсми нәтиҗәләре 30 көн эчендә https://bashdictant.ru/ сайтында бастырылып чыгачак.
Оештыручылар: Башкорт телен саклау һәм үстерү буенча автономияле коммерциягә карамаган оешма, Мәгариф һәм фән министрлыгы, Мәдәният министрлыгы, Матбугат һәм киңкүләм мәгълүмат чаралары агентлыгы, Уфа Фән һәм технологияләр университеты, «Бөтендөнья башкортлары корылтае (конгрессы)» җәмәгать берләшмәләренең халыкара берлеге.
Фото: vk.com/kurultaibashkir (“Ҡоролтай” төркөмөнән).
– Бүген, тиз үзгәрүчән, глобальләшү, технологияләр заманында, безгә – башкорт халкына туган телебезнең яңа дәрәҗәгә чыгуы, яңа даирәләргә таралуы бик мөһим. Һәр тел – ул аерым бер халыкның гына түгел, барлык кешелекнең мирасы. Моны башта үзебез аңларга, күрсәтергә һәм исбатларга тиешбез. Шуңа күрә Башкорт теленнән халыкара диктант кебек әһәмиятле чараларда һәрберебезнең катнашуы һәм якыннарыбызны, дусларыбызны, танышларыбызны чакыру кирәк. Акцияда катнашу — ул ниндидер дәрәҗәдә туган телебезгә мөнәсәбәтебезнең чагылышы да.
Башкорт теленнән диктантны берничә вариантта оештыру отышлы. Нәтиҗәдә анда туган телендә иркен аралашкан кешеләр дә, телне яңа башлап өйрәнүчеләр дә, диалектларда сөйләшүчеләр дә, хәтта башкорт теле белән кызыксынган башка милләт вәкилләре дә катнаша ала. Ә безнең өчен, ягъни башкорт җәмәгатьчелеге вәкилләре өчен, бу чарада катнашу мәҗбүри башкарылырга тиешле изге бурыч дисәм дә арттыру булмас, — дип билгеләде Юлдаш Мөхәммәт улы.
Башкорт теленнән халыкара диктант быел 26 апрельдә старт ала һәм 28 апрельгә кадәр дәвам итәчәк. 26 апрельдә сәгать 11дә Башкортстан юлдаш телевидениесендә туры эфир башлана. Елдагыча, өч вариантта – башкорт телен башлап өйрәнүчеләр, яхшы белүчеләр һәм көньяк-көнбатыш диалектында сөйләшүчеләр өчен текстлар тәкъдим ителәчәк.
Быелгы темалар Ватанны саклаучыларга, Бөек Ватан сугышында Бөек Җиңүнең 80 еллыгына, тынычлык һәм бердәмлеккә багышлана.
Башкорт теленнән диктантны, гадәттәгечә, ике төрле язып була.
Офлайн формат
26 апрельдә М. Акмулла исемендәге Башкорт дәүләт педагогия университетында, Уфа Фән һәм технологияләр университетында, Мәгарифне үстерү институтында, Милли музейда, Дәүләт җыелышы-Корылтайда, Ә.З. Вәлиди исемендәге Милли китапханәдә, Уфа күппрофилле һөнәрчелек колледжында, Русия Фәннәр академиясе Уфа федераль эзләнү үзәгенең Тарих, тел һәм әдәбият институтында, Уфа шәһәре хакимиятенең мәгариф идарәсендә, 28 апрельдә — "Яшьлек House" яшьләр йортында төп майданчыклар оештырыла.
Офлайн майданчыкларны мәдәният, белем бирү оешмалары, төрле предприятиеләр үзләре дә оештыра ала. Моның өчен 25 апрельгә кадәр bashdictant.ru сайтында майданчыкны теркәргә кирәк.
Катнашучылар: Офлайн-майданчыкларда диктант язарга теләгән һәр кеше катнаша ала, аларга 10-25 апрельдә bashdictant.ru сайтында теркәлү үтәргә кирәк.
Эшләрне тикшерү: Эшләрне майданчыкларны оештыручыларга калдырырга, алар арытаба экспертларга тапшыра.
Онлайн формат
26 апрельдән 28 апрельгә кадәр уза. 26 апрельдә 11 сәгатьтә Башкортстан юлдаш телевидениесендә, акциянең рәсми сайтында, акцияне оештыручыларның социаль челтәрләрдәге сәхифәләрендә туры эфир башлана. Аның барышында дикторлар диктантның өч вариантын укый (башлап өйрәнүчеләр, яхшы белүчеләр һәм төньяк-көнбатыш диалектта сөйләшүчеләр өчен).
Эфир төгәлләнгәннән соң язма bashdictant.ru сайтына, https://vk.com/bash_tv, https://vk.com/bash_fond сәхифәләренә куелачак. Теләүчеләр бу язмаларны карап, диктантны соңрак та яза ала.
Кайда: Интернет челтәренә керү мөмкинлеге булган урын.
Катнашучылар: теләгән кеше катнаша ала, теркәлү кирәкми.
Эшләрне тикшерү: диктантларның фотосын (сканын) t.me/bash_dictant_bot телеграм-ботына, яки bashdictant2025@yandex.ru электрон почтасына җибәрергә кирәк.
Диктантта катнашучыларга сертификатлар электрон почтага яисә телеграм-боттан җибәреләчәк. Акциянең рәсми нәтиҗәләре 30 көн эчендә https://bashdictant.ru/ сайтында бастырылып чыгачак.
Оештыручылар: Башкорт телен саклау һәм үстерү буенча автономияле коммерциягә карамаган оешма, Мәгариф һәм фән министрлыгы, Мәдәният министрлыгы, Матбугат һәм киңкүләм мәгълүмат чаралары агентлыгы, Уфа Фән һәм технологияләр университеты, «Бөтендөнья башкортлары корылтае (конгрессы)» җәмәгать берләшмәләренең халыкара берлеге.
Фото: vk.com/kurultaibashkir (“Ҡоролтай” төркөмөнән).
