Илешлеләр - Казанда!

Илнең 89 төбәгеннән 100дән артык эксперт һәм 1500 белгеч 20-21 августта "Казан Экспо" халыкара күргәзмә үзәгендә катнаша, анда "Кече шәһәрләр һәм тарихи җирлекләр үсеше" X Бөтенрусия форумы узды.

Форум Русия Төзелеш министрлыгы тарафыннан Татарстан Хөкүмәте белән берлектә ДОМ.РФ ярдәмендә үткәрелә.

Аның төп вакыйгасы - уңайлы шәһәр мохите булдыру буенча Бөтенрусия конкурсында җиңүчеләрне игълан итү һәм бүләкләү. Быел беренче тапкыр конкурста терәк торак пунктлары, шулай ук 300 меңгә кадәр халкы булган шәһәрләр катнашуга кертелде. Лимитны киңәйтү конкурска өстәмә 15 шәһәрне, шул исәптән өлкә үзәкләрен дә кертергә мөмкинлек бирде.

2018 елдан башлап конкурс һәм форум шәһәр мохитен үстерү өлкәсендә дәүләт сәясәтенең төп инструментлары, шулай ук Русия төбәкләре арасында тәҗрибә алмашу өчен платформа булды.

"Югары Яркәйнең бәйләү җепләре" проекты кече шәһәрләрдә һәм тарихи җирлекләрдә уңайлы шәһәр мохите булдыруның иң яхшы проектлары конкурсында җиңүче булды.

Премьер-министр Михаил Мишустин форумның пленар сессиясендә чыгыш ясады. Шулай ук ул Татарстан Башлыгы Рөстәм Миңнеханов белән дә очрашу уздырачак.

Михаил Мишустин һәр елны әлеге форумда катнаша. Былтыр ул - Калугага, өченче елда - Владивостокка, 2022 елда - Тамбовка, ә 2021 елда Түбән Новгородка барган иде.

Фото: башинформ.рф