+24 °С
Болытлы
Гәзиткә язылуVKOKTelegram
Барлык яңалыклар

Балалар — бакчада, әниләр эштә булачак

Тәтешле районының Иске Күрдем авылы сабыйларына яңа балалар бакчасы төзелә.

Тәтешле районының Иске Күрдем авылы сабыйларына яңа балалар бакчасы төзелә.

Русия Президенты Владимир Путин тарафыннан 2021 елга өч яшькә кадәрге балаларны тулысынча бакчаларда урыннар белән тәэмин итү бурычы куелды. Бу уңайдан Башкортстанда яңа балалар бакчалары төзелә һәм сабыйларга мәктәпкәчә белем алу мөмкинлеге арта бара.
Тәтешле районының Иске Күрдем авылында 50 урынга исәпләнгән балалар бакчасы төзелә. Ул республика Социаль максатлы программалар фонды аша финанслана һәм 94,5 миллион сумга бәяләнә. Төзүчеләр объектны 2020 елның июлендә тапшырырга планлаштыра. Бу хакта “Башинформ” агентлыгы хәбәр итә.

Яңа бакчада физкультура, музыка заллары, медицина һәм азык-төлек блогы аерым урнашачак. Биредә проект буенча ике функциональ зона: күләгәле түбә белән җиһазландырылган уен һәм хуҗалык зоналары булачак. Төзүчеләр әлеге вакытта стеналарны күтәрә.

Иске Күрдем авылындагы 1985 елда төзелгән балалар бакчасы инде искергән һәм инде заманча таләпләргә туры килми. Анда бүген 50 бала йөри. Иске балалар бакчасының үз азык-төлек блогы бар, анда сабыйларга урындагы продуктлардан ризыклар әзерлиләр. Сөт продукциясен район үзәгеннән, урындагы сөт комбинатыннан китерәләр.
Фото: “Башинформ” агентлыгыннан
Читайте нас: