“Алексеевка” совхозының хезмәт җитештерүчәнлеге югары

Уфа районының “Алексеевка” совхозы “Хезмәт җитештерүчәнлеге һәм мәшгульлеккә ярдәм” гомумдәүләт проектында катнашу нәтиҗәсендә хезмәт җитештерүчәнлеген 10 процентка күтәрде.

Ярты ел предприятие хезмәткәрләре хезмәт җитештерүчәнлеге өлкәсендә төбәк компетенцияләр үзәге белгечләре ярдәмендә сакчыл җитештерү инструментларын үзләштерде, дип сөйләде республиканың икътисади үсеш һәм инвестицион сәясәт министрының беренче урынбасары Айрат Фәхретдинов.

Предприятиедә сакчыл җитештерү инструментларын гамәлгә кертү өчен пилот проект буларак бөртекле культураларны җыюны оптимальләштерүне сайладылар. Бөртеклеләрне вакытында җыеп алу катнашазык сыйфатына, ә кайберләре, үз чиратында, сөт савуга турыдан-туры йогынты ясый. Пилот участогын сайлаганда төп фактор сроклар өзелү, һава шартлары аркасында урып-җыюга вакыт югалуы, сыйфат, уңыш һәм табыш кимү булды. Предприятиедә сакчыл технологияләр кертүдән икътисади файда 2 миллион сумга якын тәшкил иткән.

“Алексеевка” совхозы - аграр-сәнәгать предприятиесе. Аның нигезен теплица комбинаты тәшкил итә. Моннан тыш, совхоз терлекчелекне актив үстерә. Бүген Башкортстанда әлеге гомумдәүләт проектында 106 предприятие катнашты.

Фото: ТАСС