+21 °С
Болытлы
Нацпроекты - гомумдәүләт проектлары
7 Май 2021, 04:55
Чишмә янында ак каеннар үсәчәк!
Ишембай районы урманчылары авылларны яшелләндерә.
Ишембай районы урманчылары авылларны яшелләндерә.
Башкортстанда "Экология" гомумдәүләт проектына ярашлы “Урманнарны саклау” төбәк проектын тормышка ашыру барышында урманнарны тергезү эшләре дәвам итә. Яхшы урман сыйфатлы утырту материалыннан башлана, ә бу процесста урман питомникларының роле зур.
Ишембай районының Макаровка урман хуҗалыгы питомнигы 22 гектардан артык мәйданны били. Анда нинди генә агачлар һәм куаклар юк! Аларның төрлелеге елдан-ел арта бара. "Макаровка урман хуҗалыгы" директоры Сәлим Хафизов белдерүенчә, май башында Макаровка питомнигында урманчылар 0,1 гектар мәйданда – карагай, 0,3 гектарда нарат орлыгы чәчкән.
— Язгы урман культуралары чорында теплицаларда 60 килограмм гади нарат орлыгы, 30 килограмм карагай орлыгы, 5,5 килограмм кырым нараты орлыгы һәм 5 килограмм зәңгәр чыршы орлыгы чәчәргә планлаштырабыз, — дип билгели хуҗалык җитәкчесе. — Питомникта үстерелгән үсентеләрнең бер өлеше урман тергезүгә тотылачак, алар киселгән агачларны алмаштырачак, ә бер өлеше торак пунктларны яшелләндерү өчен файдаланыла. Шушы көннәрдә безнең урманчылар Кинҗәбулат авылы янындагы чишмәне төзекләндерде, Байгуҗа авылы халкы белән бергә 100дән артык каен утыртты.
Башкортстанда "Экология" гомумдәүләт проектына ярашлы “Урманнарны саклау” төбәк проектын тормышка ашыру барышында урманнарны тергезү эшләре дәвам итә. Яхшы урман сыйфатлы утырту материалыннан башлана, ә бу процесста урман питомникларының роле зур.
Ишембай районының Макаровка урман хуҗалыгы питомнигы 22 гектардан артык мәйданны били. Анда нинди генә агачлар һәм куаклар юк! Аларның төрлелеге елдан-ел арта бара. "Макаровка урман хуҗалыгы" директоры Сәлим Хафизов белдерүенчә, май башында Макаровка питомнигында урманчылар 0,1 гектар мәйданда – карагай, 0,3 гектарда нарат орлыгы чәчкән.
— Язгы урман культуралары чорында теплицаларда 60 килограмм гади нарат орлыгы, 30 килограмм карагай орлыгы, 5,5 килограмм кырым нараты орлыгы һәм 5 килограмм зәңгәр чыршы орлыгы чәчәргә планлаштырабыз, — дип билгели хуҗалык җитәкчесе. — Питомникта үстерелгән үсентеләрнең бер өлеше урман тергезүгә тотылачак, алар киселгән агачларны алмаштырачак, ә бер өлеше торак пунктларны яшелләндерү өчен файдаланыла. Шушы көннәрдә безнең урманчылар Кинҗәбулат авылы янындагы чишмәне төзекләндерде, Байгуҗа авылы халкы белән бергә 100дән артык каен утыртты.
Фото: srk.nationalpriority.ru
