+24 °С
Яңгыр
Нацпроекты - гомумдәүләт проектлары
8 июнь 2021, 11:20
Уфада яңа юл үткәргеч һәм автомобиль юлы төзиячәкләр
Зинино һәм Нагаево торак пунктлары юнәлешендәге юл - Уфада проблемалыларның берсе. Көйләнә торган тимер юл кичүендә автотранспорт хәрәкәте даими авырлашкан. Белгечләр билгеләп үткәнчә, тәүлеккә уртача 25 меңнән артык автомобиль уза. Иртәнге һәм кичке сәгатьләрдә көтү вакыты 50-60 минут тәшкил итә. Әлеге участокта берничә тапкыр авария хәлләре теркәлгән, шул исәптән үлем белән бәйле булганнары. Тиздән хәл үзгәрәчәк.
Зинино һәм Нагаево торак пунктлары юнәлешендәге юл - Уфада проблемалыларның берсе. Көйләнә торган тимер юл кичүендә автотранспорт хәрәкәте даими авырлашкан. Белгечләр билгеләп үткәнчә, тәүлеккә уртача 25 меңнән артык автомобиль уза. Иртәнге һәм кичке сәгатьләрдә көтү вакыты 50-60 минут тәшкил итә. Әлеге участокта берничә тапкыр авария хәлләре теркәлгән, шул исәптән үлем белән бәйле булганнары. Тиздән хәл үзгәрәчәк.
Якын арада Уфада “Имин сыйфатлы юллар” гомумдәүләт проекты кысаларында “Иглино-Дим" тимер юл полосасы белән кисешкән урында 21нче километр һәм "Урал" М-5 автоюлындагы транспорт чишелешеннән Нагаево шоссесына килеп җиткәнче автомобиль юлы төзелешенә керешәләр. Бүгенге көндә төзелеш-монтаж эшләрен башкаруга подрядчы оешмасын билгеләү процедуралары үткәрелә. Муниципаль контракт төзүнең планлаштырылган датасы - 2021 елның июнендә.
Юлүткәргеч үзе гамәлдәге тимер юл кичүеннән 200 метр ераклыкта урнашачак. Ул дүрт полосалы булачак - һәр якка икешәр полоса. Аның озынлыгы 106 метр тәшкил итәчәк. "Урал" М-5 автомобиль юлындагы транспорт чишелешеннән Нагаево шоссесына килеп җиткәнче автомобиль юлы дүрт хәрәкәт полосасы өчен проектланган. Аның озынлыгы 1850 метр тәшкил итәчәк.
Проектны гамәлгә ашыруга муниципаль контракт төзегәннән соң керешү һәм объектны 2023 елның 31 июленә кадәр файдалануга тапшыру планлаштырыла.
Фото: ufacity.info
