+30 °С
Облачно
Гәзиткә язылу
Барлык яңалыклар

Дүртөйле күркәмләнә!

Июнь ахырында Башкортстанның Дүртөйле шәһәрендә «Торак һәм шәһәр мохите» гомумдәүләт проекты һәм кече шәһәрләрдә һәм тарихи җирлекләрдә уңайлы шәһәр тирәлеген булдыру буенча иң яхшы проектларның Бөтенрусия конкурсында җиңүебез нәтиҗәсендә күптән көтелгән иҗтимагый киңлекләр ачылды.

Дүртөйле күркәмләнә!
Проектны эшләүдә профессиональ архитекторлар гына түгел, халык та катнашты – аларның фикерләре һәм тәкъдимнәре яңа ял итү зоналары нигезенә ятты.

«Ашлык» дип аталган яңа скейт-паркта гадәти булмаган арт-объектлар барлыкка килде – соры трансформатор будкалары зәвыклы итеп үзгәртелде. Аларны бизәүгә өч рәссам үз өлешен кертте.

Бүген без Дүртөйле рәссамы Артур Абдрахманов иҗаты белән уртаклашырга булдык, ул үзенең сәнгате турында менә ниләр сөйли:

- Яңа парк матурлыгына үз өлешемне кертү тәкъдимен мин бик теләп кабул иттем. Безнең шәһәрдә ирекле темага арт-объект булдырылуын, анда уй-фикерләргә иҗади очыш бирергә мөмкин булуын күптән теләдем. Заказчыны хәтта диварны кара төскә буяуларын соравым да борчымады.

Шәһәр мохите, скейт-парк, балалар... Барысы да сөйкемле, позитив һәм кара дивар. Бу башта шикле яңгырады, әмма миңа тулысынча ышандылар. Монда мин заманча каллиграфияне сурәтләдем һәм барысы да уңышлы килеп чыкты кебек, - дип сөйләде ул.

Фото: Дүртөйле районы хакимияте сайтыннан.

 

Автор:Ример Насретдинов