-9 °С
Болытлы
Гәзиткә язылуVKOKTikTokINSTAGRAM
Барлык яңалыклар

Станцияләр Экология министрлыгы карамагына тапшырылырга тиеш

Башкортстанның эре сәнәгать үзәкләрендә эшли торган атмосфера һавасының пычрануын автоматлаштырылган контрольдә тоту станцияләре республика Экология министрлыгы карамагына тапшырылырга тиеш. Мондый фикерне Башкортстанда "Экология" гомумдәүләт проектын гамәлгә ашыру буенча эшче төркем утырышында аның җитәкчесе, 7нче чакырылыш Дәүләт думасы депутаты Зариф Байгускаров белдерде. Төбәктә барлыгы тугыз станция бар, шуларның өчесе генә министрлыкка буйсынган, Салаваттагы ике станция баланска куелмаган.

Станцияләр Экология министрлыгы карамагына тапшырылырга тиеш
Һаваның пычрануын контрольдә тотуның калган дүрт пункты (Сибай, Учалы һәм Уфада) эшен предприятиеләр милекчеләре контрольдә тота. Депутат фикеренчә, бу лабораторияләр бастырган мәгълүматларның объективлыгында халыкның шиге туарга мөмкин. Аларны аккредитацияләү мәсьәләсе дә актуаль. Эшче төркем лабораторияләрне Экология министрлыгы балансына күчерү шартларын һәм срокларын эшләячәк.

"Бу станцияләр предприятиеләр акчасына сатып алынган, һәм алар Башкортстан милкенә тапшырылырга тиеш. Тапшыру вариантларын эшләячәкбез", - дип аңлатты Зариф Байгускаров.

Утырышта Башкортстанның «Чиста һава» проектына керүе турында җентекләп фикер алыштылар.

Фото: bashinform.ru

 

Автор:Фануз Хабибуллин