Аз керемле гаиләләргә - ярдәм!

Башкортстанда социаль ярдәм программасын гамәлгә ашыруга 45 миллион сумнан артык акча бүленде. Бу ел ахырына кадәр планлаштырылганнан 580гә күбрәк контракт төзергә мөмкинлек бирәчәк, аларның санын 4734кә кадәр арттырылачак.

Социаль контракт нигезендә адреслы социаль ярдәм программасы - "Демография" гомумдәүләт проекты кысаларындагы төп чараларның берсе. Ул уртача яшәү минимумыннан түбәнрәк булган аз керемле гаиләләр, ялгыз яшәүче гражданнар белән төзелә.

Ел башыннан республикада 3600дән артык контракт төзелгән. Иң мөһим чараларның берсе - эш белән тәэмин итү. Дәгъва кылучылар белән 1215 контракт төзелгән, алар буенча 73,7 миллион сум түләнгән.

Эшкуарлык эшчәнлеген гамәлгә ашыру өчен аз керемле кешеләргә дәүләттән 178,2 млн. сумлык ярдәм күрсәтелде. Шәхси хуҗалык алып баручы 458 гаиләгә 38,2 млн. сум бүленеп бирелде. Авыр тормыш хәлендәгеләргә ярдәм чараларын тормышка ашыруга 1184 гаилә 68 млн. сум бүленде. Бүлеп бирелгән акчаларны билгеләнеше буенча гына кулланырга мөмкин.

Программада катнашу шартлары буенча тулырак аңлатмаларны республика Халыкка социаль ярдәм күрсәтү үзәгенең барлык филиалларында, республиканың мәшгульлек үзәкләрендә, гаилә хезмәтләрендә, шулай ук МФЦ бүлекчәләрендә алырга мөмкин.

Фото: zen.yandex.ru