+24 °С
Яңгыр
Нацпроекты - гомумдәүләт проектлары
6 июнь 2022, 14:45
"Кашкадан" бер көнгә генә Уфаның мәдәни үзәгенә әвереләчәк
12 июньдә Уфа шәһәренең «Кашкадан» мәдәният һәм ял паркында шәһәр көне узачак.
"Кашкадан" бер көнгә генә Уфаның мәдәни үзәгенә әвереләчәк
Программа масштаблы театрлаштырылган һәм музыкаль-хореографик блоклардан - су һәм ут фестиваленнән, башкорт һәм Русия эстрадасы йолдызлары чыгышларыннан торачак. Шәһәр көнен бәйрәм итү кысаларында шулай ук яшьләр бию батллары, заманча рэп-фестиваль һәм электрон музыка фестивале дә узачак. Көндез паркта яшьләр бию форумы старт ала, анда шәһәрнең әйдәп баручы хореографик коллективлары катнашачак, шулай ук Русиянең танылган биючеләре мастер-класслары узачак.
Кичке программада Рэп-фестиваль, шулай ук Башкортстан Республикасының иң модалы диджейларын җәлеп итеп, яшьләрнең бию программасы планлаштырылган.
Кичке шоу-программаның икенче өлеше Башкортстан башкаласына багышланачак һәм «УФА – чиксез үсеш шәһәре» шигаре астында узачак. Концертта туган шәһәребезгә багышланган барлык яраткан һәм популяр җырлар яңгыраячак.
Башкортстанда иң зур мультимедиа яктылык музыкаль фонтаны ачу һәм Уфаның 450 еллыгы символы - сусарны тәкъдир итү тамашаның якты мизгелләре булачак.
Бәйрәмдә Русиянең популяр «На-на» һәм «Дабро» төркемнәре чыгыш ясаячак.
Шәһәр көненә багышланган театральләштерелгән тамаша бәйрәм фейерверкы белән тәмамланачак.
Мәдәни программа Русия Президенты Владимир Путин гамәлгә куйган "Мәдәният" гомумдәүләт проекты кысаларында оештырыла.
Фото: culture.bashkortostan.ru
