Икътисад мөмкинлекләре югары бәяләнде

- Инвесторлардан кире элемтә бик мөһим. Әйтик, нәтиҗәдә без күрсәтелә торган хезмәтләрнең сыйфатын күзәтеп тору һәм төбәкнең инвестицион мөмкинлеген арттыру өчен яңа инструментлар кертеп, эшебезне даими рәвештә камилләштерү мөмкинлегенә ия булабыз, - дип билгеләп үтте Башкортстан Республикасының Үсеш корпорациясе генеральный директоры Наил Габбасов.

51 респондент анкета үтте. Алар корпорация белгечләренең биш баллы шкала буенча эш сыйфатын һәм түбәндәге критерийларны бәяләде: инвестицияләр җәлеп итү һәм инвесторлар белән эшләү буенча күрсәтелгән мәгълүматның тулылыгы, башкарма хакимият органнары белән «бер тәрәзә» принцибы буенча хезмәттәшлек итеп хезмәтләр алу мөмкинлеге, консультация ярдәме һәм беренчел мөрәҗәгать иткәндә профильле хезмәтләр күрсәтү сыйфаты, консультация ярдәме күрсәтүнең тизлеге, хезмәткәрләрнең квалификация дәрәҗәсе, чаралар үткәрү һәм кирәкле эшләрнең үтәлеше, төбәк икътисадына инвестицияләр җәлеп итү. Декабрь аена сораштыру нәтиҗәләре буенча икенче яртыеллыкта уртача балл 4,87 тәшкил итте.

Анкеталаштыру шулай ук Үсеш корпорациясе - «Алга» махсус икътисади зонасы һәм «Уфа» индустриаль паркы булган преференциаль зоналар резидентлары арасында да булды. Шулай итеп, 28 респондент ирекле мәйданнар белән тәэмин ителүне, инженерлык инфраструктурасының һәм техник ярдәмнең сыйфатын, шулай ук күрсәтелә торган ярдәм чараларының һәркем алырлык һәм нәтиҗәле булуын бәяләде. Декабрьгә уртача балл 4,75 булган.

Анкетада катнашучылар билгеләп үткәнчә, Үсеш корпорациясе белән хезмәттәшлек, консультация һәм методологик ярдәм күрсәтүнең оперативлыгы, шулай ук ведомство белгечләренең югары квалификациясе проектларны гамәлгә ашыру этапларын тизрәк һәм оперативрак үтәргә мөмкинлек бирә.

Республика сәнәгатенә инвесторлар җәлеп итү «Хезмәт җитештерүчәнлеге» гомумдәүләт проектын тормышка ашыруның бер чарасы булып тора.