Хезмәт җитештерүченлегенә бездә игътибар зур

Башкортстан Республикасы Русия төбәкләре арасында «Хезмәт җитештерүчәнлеге» гомумдәүләт проекты лидерлары төркемендә үз статусын раслый. Бу хакта Башкортстан Хөкүмәте Премьер-министрының беренче урынбасары, республиканың икътисади үсеш һәм инвестицион сәясәт министры Рөстәм Моратов сөйләде.

- Республика предприятиеләренә һәртөрле ярдәм күрсәтү - төбәк Хөкүмәтенең мөһим бурычларыннан берсе, шуңа күрә барлык булган ярдәм инструментларын без мөмкин кадәр күбрәк кулланабыз. Әлеге рейтингта төбәкләрнең гомумдәүләт проектка ярдәм чараларын ничек киң куллануы, күпме предприятие җитештерүчәнлекне 5 процентка арттыруы, төбәк командаларының нәтиҗәлелеге һәм касса дисциплинасы бәяләнүе исәпкә алынды, - дип билгеләде Рөстәм Моратов.

Барлыгы Русия буенча лидерлар исемлегенә 18 субъект керде. Лидер төбәкләрдә хезмәт җитештерүчәнлеге ил буенча уртачадан күбрәк предприятиеләрдә үсте, ә ярдәм чаралары активрак кулланыла.

- Гомумдәүләт проекты экосистема принцибы буенча төзелгән, анда барлык элементлар да бер-берсен тулыландыра. Без зур ихтыяҗ күрәбез, предприятиеләр заманча җитештерү системасын булдыру белән кызыксыналар. Топ-менеджерларның һәм гади персоналның квалификациясен күтәрү программасы нәтиҗәсен, җиһазларны яңартуга һәм җитештерүне санлаштыруда ярдәм итүгә арзан кредитлар раслый. Гомумдәүләт проектының барлык менюсыннан файдаланып, төбәк үзенең җитештерү культурасын сыйфатлы үзгәртергә мөмкин, - дип билгеләде Русия икътисади үсеш министры урынбасары Мурат Керефов.

Хәзер Русия Икътисади үсеш министрлыгы 2024 ел периметры өчен гомумдәүләт проектын озайту һәм киңәйтү турындагы тәкъдимнәрне карый. Торак-коммуналь хуҗалык, туризм, шифаханә-курорт ялы һәм сәламәтлек саклау предприятиеләре өчен проектка керү мөмкинлеген ачу тәкъдим ителә. Әгәр карар кабул ителсә, гомумдәүләт проектында катнашучылар саны ике тапкыр артачак.