+21 °С
Болытлы
Нацпроекты - гомумдәүләт проектлары
4 апрель 2023, 05:00
Башкортстан компанияләре Үзбәкстандагы халыкара күргәзмәдә катнашты
«Халыкара кооперация һәм экспорт» гомумдәүләт проекты кысаларында Башкортстанның 8 компаниясе «Азык-төлек продуктлары, ингредиентлар һәм җитештерү технологияләре-UzFood 2023» халыкара күргәзмәсендә катнашты. Чара 28-30 мартта Ташкент шәһәрендә узды. Бу хакта Башкортстан Республикасының тышкы икътисади элемтәләр һәм конгресс эшчәнлеге министры Маргарита Болычева хәбәр итте.
Башкортстан компанияләре Үзбәкстандагы халыкара күргәзмәдә катнашты
- "UzFood 2023" халыкара күргәзмәсе кысаларында төбәк компанияләре вәкилләре үзбәк партнерлары белән 250 эшлекле очрашу уздырды һәм гомум суммасы 20 миллион сумнан артык булган 3 экспорт контракты төзеде. Якын арада без әлеге күргәзмә нәтиҗәләре буенча яңа контрактлар төзүне көтәбез. Шулай ук Башкортстан «Иң яхшы стенд дизайны» номинациясендә җиңде, - дип билгеләде Маргарита Болычева.
Башкортстанны әлеге чарада түбәндәге компанияләр һәм шәхси эшкуарлар тәкъдим итте: «Торговый Дом «Дуслар», «Глобус», Эрдоган Мехмет, «Урал», «Горный мёд», «Уфимский торговый дом», фермерлар Аделина Янгирова һәм Алсу Минһаҗева.
Күргәзмә кысаларында Ритейл-үзәк оештырылды. Клиентлар белән очрашудан тыш, Башкортстаннан катнашучылар Русиянең Үзбәкстандагы Сәүдә вәкиллеге каршындагы Башкортстан вәкиле Марсель Әсфәндияров белән дә очрашты һәм валюта-акчалата операцияләр, логистика һәм Башкортстаннан Үзбәкстанга экспортта таможняны җайга салу мәсьәләләре буенча фикер алышты.
Фото: pravitelstvorb.ru
