+21 °С
Болытлы
Нацпроекты - гомумдәүләт проектлары
11 сентябрь 2023, 08:50
Аксаков паркы - яшьлегебез бишеге
«Торак һәм шәһәр мохите» гомумдәүләт проектының уңайлы шәһәр мохитен формалаштыру буенча федераль программасы ярдәмендә, Уфада танылган язучы Сергей Аксаков исемендәге бакча актив төзекләндерелә.
Аксаков паркы - яшьлегебез бишеге
Башкала мэриясендә ассызыклауларынча, бакча мәдәни мирас һәйкәле булып тора. Төзекләндерү буенча проектны эшләү стадиясендә тарихи күренешне мөмкин кадәр саклап калу бурычы тора.
Аерым алганда, бу Пушкин урамы ягыннан керү төркеменә кагыла. Аның элементларын сүтеп, реставрациягә җибәрәләр. Моннан тыш, яңа нигез төзелеше башкарылган. "Новомостовая" урамы ягыннан Сергей Аксаков исемендәге бакчага килүчеләрне яңа керү төркеме каршы алачак.
Бүгенге көндә бакчада барлык инженерлык коммуникацияләре, шул исәптән тышкы яктырту да урнаштырылган. Тимер терәкләр монтажлана, бордюрлар һәм тротуар плиткалары төзелеше тәмамлана, юллар төзекләндерелә, кечкенә архитектура формалары урнаштырыла. Яшелләндерү актив алып барыла.
Яңартылган бакча территориясе функциональ зоналарга бүленәчәк: бу тарихи аллея, күл яр буе, әдәби кунак бүлмәсе, вакыйгалар мәйданчыгы, балалар мәйданчыгы. Шулай ук яшьләр өчен скейт-парк булачак.
"Тиздән Сергей Аксаков исемендәге бакча барысын да кунакка чакырачак. Төзекләндерү эшләрен тәмамлау сентябрь ахырына билгеләнгән", - дип нәтиҗә ясадылар Уфа хакимиятенең матбугат хезмәтендә.
