Республика кардиоүзәгенең хирургия корпусы төзелеше ничек бара?

Бүген Уфа буенча эш сәфәре вакытында Башкортстан Башлыгы Радий Хәбиров Республика кардиоүзәгенең хирургия корпусы төзелеш мәйданчыгында булды.

Исегезгә төшерәбез, бу медицина учреждениесенең сигез катлы бинасын 2019 елның июлендә "Сәламәтлек саклау" гомумдәүләт проекты кысаларында төзи башладылар. Әлегә төзелеш-монтаж эшләре 90 процентка үтәлгән. Аннары бинаның эчке бизәлешенә һәм аны җиһазландыруга керешәчәкләр.

Яңа корпуста диагностика кабинетлары, поликлиника, реанимация белән ун операция блогы, шулай ук рентгенохирургия һәм кардиохирургия бүлекләре урнаштырырга планлаштыралар. Моннан тыш, бинада даруханә-бүлү пункты, стерилизация комплексы һәм административ-хуҗалык блогы эшләячәк. Проект шулай ук әйләнә-тирәдәге территориядә санитар авиация өчен вертолётлы мәйданчык төзүне күздә тота.

- Төзелеш башланганчы Русиянең әйдәүче медицина үзәкләрендә булдык һәм безнең хирургия корпусы концепциясен формалаштырдык. Аның мөмкинлекләре иң катлаулы операцияләрне үткәрергә һәм кеше тормышын коткарырга мөмкинлек бирәчәк, - дип билгеләде Республика кардиоүзәге баш табибы Ирина Николаева.

Башкортстан Башлыгы яңа бинаны карады һәм башкарылган эшләрнең сыйфатын бәяләде. Төбәк җитәкчесе якын-тирәдәге территорияне төзекләндерергә һәм кардиоүзәкнең фасадларын бер стильдә ясарга, учреждение ишегалдында пациентларның ял итү һәм йөреп кайту зонасын булдырырга кушты.

- Йөрәк-кан тамырлары авырулары - илдәге үлемнең төп сәбәпләренең берсе. Шуңа күрә сәламәтлек саклауның бу юнәлешен үстерүгә без шактый зур ресурслар салабыз, - диде Радий Хәбиров. - Яңа бина ачылу белән Республика кардиоүзәге югары технологияле булачак. Монда шул исәптән катлаулы һәм уникаль операцияләр үткәрәчәкләр.

Фото: glavarb.ru

Автор:Фануз Хабибуллин

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Об использовании персональных данных

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, «Башкортстан Республикасы» нәшрият йорты акционерлык җәмгыяте.

____________________

УЧРЕДИТЕЛИ: Агентство по печати и средствам массовой информации Республики Башкортостан, Акционерное общество Издательский дом «Республика Башкортостан».

Правила применения рекомендательных технологий

Политика конфиденциальности

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27