Мәшгульлек үзәкләренә игътибар арта

Федераль бюджеттан бүлеп бирелгән акчалар биналарны ремонтлауга, шулай ук аларны җиһазландыруга юнәлтеләчәк. Модернизация программасына төбәк бюджетыннан 337 миллион сум акча бүлеп бирелгән, шул исәптән мәшгульлек үзәкләре биналарын капиталь ремонтлауга, халыкны эш белән тәэмин итү үзәкләре челтәрен үзгәртеп коруга, хезмәт хакларын арттыруга - мәшгульлек үзәкләре хезмәткәрләренең эш хакы агымдагы елның гыйнварыннан 2,4 тапкыр арткан.

Комплекслы модернизация барлык халыкны эш белән тәэмин итү үзәкләрен заманча кадрлар үзәкләренә тулысынча үзгәртеп коруны күздә тота – биналарга капиталь һәм агымдагы ремонт ясалачак, бердәм фирма стиле кертеләчәк, хезмәткәрләр өстәмә укыту узачак, интерьер сәламәтлек мөмкинлекләре чикле кешеләр өчен заманча һәм уңайлы булачак, балалар почмаклары, уңайлы навигация һәм санлы сервислар барлыкка киләчәк. Бу чиратларны, килүчеләргә эшкә урнашуның теләсә нинди мәсьәләләре буенча хезмәт күрсәтүдә оптималь чишелеш эзләү вакытын шактый кыскартырга мөмкинлек бирәчәк.

- Русиядә мәшгульлек үзәкләрен модернизацияләү 2019 елда ук "Демография" гомумдәүләт проекты кысаларында башланды. Бөтен ил буенча хезмәт биржаларын «Русия эше» заманча һәм технологик кадрлар үзәкләре алмаштыра. Башкортстан мәшгульлек хезмәтен модернизацияләү проектында беренче көннәрдән үк актив катнаша. Өч ел эчендә республика территориясендә дүрт «Русия эше» кадрлар үзәге барлыкка килде. Модернизацияләүнең икенче дулкыны быел ук башлана, ел ахырына кадәр республиканың барлык мәшгульлек үзәкләре яңартылачак, алар 69 объект тәшкил итә, – дип хәбәр итте Башкортстанның гаилә, хезмәт һәм халыкны социаль яклау министры Ленара Иванова.

Фото: bashinform.ru