+21 °С
Болытлы
Нацпроекты - гомумдәүләт проектлары
22 март 2024, 13:46
Законсыз чүплекләр юкка чыгачак
Уфада Башкортстан буенча Баш федераль инспектор Алексей Касьянов министрлыклар, ведомстволар, хокук саклау структуралары җитәкчеләре белән ил Президенты башлангычы белән тормышка ашырылучы “Экология” гомумдәүләт проекты кысаларында санкцияләнмәгән чүплекләрне бетерү, шулай ук күпфатирлы йортларда капиталь ремонт үткәрү мәсьәләләре турында фикер алышты.
Законсыз чүплекләр юкка чыгачак
Утырышта хәбәр итүләренчә, быел республикада күпкатлы 720 йортны ремонтларга кирәк булачак. Аларда фасад, түбә, җылыту системалары, су белән тәэмин итү һәм вентиляцияләр яңартылачак, иске лифтлар алмаштырылачак, 120 подъезд ремонтланачак. Төзелеш эшләре 5,5 миллиард сумга төшәчәк.
"Мин яшәү куркыныч булган объектларга игътибар итүегезне сорыйм. Мондый йортлар беренче чиратта ремонтланырга тиеш. Кешеләр, тиешле нәтиҗәне көтеп, хезмәт өчен акча түли. Шуңа күрә төзелеш эшләренең сыйфатын һәм үз вакытында башкарылуын даими тикшереп торырга кирәк. Халыктан шикаятьләр килү дәвам итә һәм алар нигезле, нормативларны бозуларны Прокуратура тикшерүләре раслый ", - дип белдерде Алексей Касьянов.
Законсыз чүплекләрне юкка чыгаруга килгәндә, быел Башкортстанда "Экология" гомумдәүләт проекты ярдәмендә Баймакта, Сибайда, Благовещенда, Дәүләкәндә, Күмертауда һәм Стәрлетамакта законсыз алты эре чүплекне юкка чыгарачаклар. Эшнең сыйфатын күзәтчелек ведомстволары белән берлектә Баш федераль инспектор контрольдә тота.
Фото: bashinform.ru
