+28 °С
Болытлы
Нацпроекты - гомумдәүләт проектлары
21 Май 2024, 13:25
Күчмә музей эшен башлый
Башкортстан башкаласының 450 еллыгына музей күчеп йөрүче инфотрак тәкъдим ителә.
Күчмә музей эшен башлый
«Торатау» Конгресс-холлы каршындагы мәйданда башкаланың 450 еллыгына шәһәр тарихы музее яңа проект - «Уфа хәрәкәттә» инфотрак тәкъдим итте. Аның турында социаль челтәрләрдә беренче булып Уфа мэры Ратмир Мәүлиев сөйләде.
Күчмә интерактив танып белү комплексы мобиль экспозиция булып тора, ул эзлекле рәвештә Уфа тарихының төп этапларын чагылдыра, инфраструктура, фән һәм техника үсешенең мөһим элементлары барлыкка килү даталарын билгеләп үтә, алар Башкортстан башкаласына нык тәэсир итә.
Стена инфографикасы телефон экраннарында AR-технологияләр (тулыландырылган чынбарлык) ярдәмендә җанлана, ә VR-күзлекләрдә (виртуаль чынбарлык) теләгән һәркем шәһәрне кош очкан биеклектән тәүлекнең һәм елның төрле вакытында карый ала. Шулай ук музей инфотрагында су асты көймәсе, самолет, бронепоезд раритет макеты бар, алар Уфаны хәрәкәттә чагылдыра.
Инфотракның бер үзенчәлеге - анда олылар өчен генә вакыт үткәрү кызык булмас. Мәсәлән, бер экспозиция тулысынча балалар өчен элементлар белән тулы (бизибордлар, буяулар, рәсемнәр һәм башкалар).
Башкортстан башкаласының үткәнен, аның яңа, заманча форматта үсешен 24-26 майда Совет мәйданындагы «Китап-Байрам» мәйданчыгында карарга мөмкин булачак.
Музей инфотрагының алга таба хәрәкәт итү графигы шәһәр музееның социаль челтәрләрендә басылып чыгачак. Ул шәһәрнең төп мәйданчыкларында һәм вакыйгаларында катнашыр дип планлаштырыла. Ә мобиль экспозиция апробациясеннән соң республиканың иң якын шәһәрләре һәм торак пунктлары буенча хәрәкәт итәчәк.
Әлеге музей ил Президенты гамәлгә куйган "Мәдәният" гомумдәүләт проекты кысаларында бихисап эшләр башкарылу нәтиҗәсендә булдырылды.
Фото: Пресс-служба Администрации Уфы
