Яңа башлангычка нигез салынмакчы

- Башкортстан преференциаль территорияләр саны буенча лидерларның берсе булып тора. «Алга» махсус икътисади зонасыннан тыш, бездә 12 индустриаль һәм 19 технопарк, шулай ук 5 алгарышлы үсеш территориясе эшли. Бүгенге көндә ТОР резидентларының планлы инвестицияләр күләме 38 миллиард сумнан артык тәшкил итә. Нефтекамада яңа резидент «КамАЗ» һәм «ГАЗ» кебек Русиянең әйдәп баручы автоҗитештерүчеләре өчен югары төгәллек класстагы комплектлау һәм детальләр җитештерү белән шөгыльләнәчәк. Компания санлы программа белән идарә ителә торган кирәкле югары төгәллектәге металл эшкәртү җиһазлары белән җиһазландырылган. Шулай ук билгеләп үтәм, компания элек Германиядән китерелгән автобуслар өчен детальләр җитештерәчәк, – диде Башкортстан Республикасы Хөкүмәте Премьер-министрының беренче урынбасары, икътисади үсеш һәм инвестицион сәясәт министры Рөстәм Моратов.

Хәзерге вакытта инвестор бинаны арендалау турында килешү төзегән, шулай ук Кытайдан җиһазлар сатып алу планлаштырыла. Проектны 2024-2030 еллар дәвамында гамәлгә ашыру һәм 10 эш урыны булдыру планлаштырыла. Компания штаты үз эченә инженер-техник персонал һәм квалификацияле белгечләрне алачак. «Рикам» җәмгыяте үз продукциясен 2024 елның 3 кварталында ук чыгара башлар дип көтелә. Компания тулы проект куәтенә 2025 елның 1 кварталында ел саен 41 млн сумнан артык җитештерү күләме белән чыгарга ниятли.
Әлеге башлангыч та Русия Президенты Владимир Путин билгеләгән "Кече һәм урта эшкуарлык" гомумдәүләт проектының бездә нәтиҗәле эшләвен күрсәтә.