- Хәрәкәт ике юнәлештә дә күпернең уң өлешендә башкарыла. Шул ук вакытта күпернең сул өлешендә капиталь ремонт дәвам итә. Объектта 100гә якын кеше эшли. Эш тәүлек буе бара. 24 июльгә объектның әзерлеге 53 процент тәшкил итте, - дип сөйләде Башкортстанының транспорт һәм юл хуҗалыгы министры вазыйфасын башкаручы Любовь Минакова.
Шакша күперенең икенче өлешен октябрь-ноябрьдә ябу планлаштырылган. Уфа шәһәре хакимиятенең юлларны һәм ясалма корылмаларны төзү, ремонтлау идарәсе мәгълүматы буенча, чикләүләр күпернең ике өлешендәге эретеп ябыштыру эшләрен башкару мөмкинлеге өчен кирәк. Бу чорда конструкцияләргә динамик йөкләнешне тулысынча киметергә кирәк булачак. Күпер буйлап хәрәкәтне тулысынча ачу 2024 ел ахырында планлаштырыла. Шакша күперенә капиталь ремонт ясау өчен 2 млрд сум сарыф ителә.
Фото: pravitelstvorb.ru