"Сәламәтлек" гомумдәүләт проекты кысаларында быел Балтач районының Иштирәк, Комьязы, Көндәшле авылларында яңа фельдшер -акушер пунктлары сафка басачак.
Бүгенге көндә фельдшер -акушер пунктларында төп төзелеш эшләре ахырына якынлаша.
Шушы көннәрдә район хакимияте башлыгы Илгиз Субушев, үзәк район дәваханәсенең баш табибы Салават Гыйльметдинов, Югары Янактай авыл хакимияте башлыгы Рәшит Мусин, Иске Балтач авыл хакимияте башлыгы Илгиз Рәхимҗанов белән төзелеш эшләре барышы белән танышты.
Авыл фельдшерлары быел шушы яңа биналарда халыкны кабул итәчәк.
Фото: "Балтач таңнары"