"Наш вклад» милли премиясенә 750дән артык гариза кергән

«Наш вклад» милли премиясе - Русиядә бизнес һәм коммерция карамагында булмаган оешмаларның (НКО) милли проектларның максатларына һәм бурычларына ирешүгә керткән өлешен бәяләүче беренче премия. Премиянең барлык финалчыларына «Русиянең гомумдәүләт проектлары партнеры» статусы бирелә.

Традиция буенча премиядә НКО зур активлык күрсәтә, аларның катнашу өлеше оешмаларның гомум саныннан 37 процентын тәшкил итә, 25 проөенты – эре бизнес, 18 проценты – кече бизнес вәкилләре, 16 проценты – дәүләт корпорациясе һәм дәүләт компаниясе, 4 проценты – урта бизнес.

Премиягә тәкъдим ителгән бизнесның һәм коммерция карамагында булмаган оешмаларның социаль башлангычлары 13 гомумдәүләт проектның максатлары һәм бурычларына туры килә: «Имин сыйфатлы юллар», «Демография», «Торак һәм шәһәр мохите», «Сәламәтлек саклау», «Мәдәният», «Кече һәм урта эшкуарлык», «Халыкара кооперация һәм экспорт», «Фән һәм университетлар», «Мәгариф», «Хезмәт җитештерүчәнлеге», «Туризм һәм кунакчыллык индустриясе», «Санлы икътисад», «Экология».

«Наш вклад» 2024-25 еллар милли премиясе финалчылары һәм җиңүчеләре исемлеге 2025 елның язында игълан ителәчәк.

Фото: национальныепроекты.рф