+20 °С
Болытлы
Нацпроекты - гомумдәүләт проектлары
22 Май 2025, 06:35
Бакалы дәваханәсенә яңа җиһаз кайтты
«Дәвамлы һәм актив тормыш» гомумдәүләт проекты буенча Бакалы районы үзәк дәваханәсенә «Элепс» электрохирургия аппараты кайтарылды. Бу хакта республиканың Сәламәтлек саклау министрлыгында хәбәр иттеләр.
Бакалы дәваханәсенә яңа җиһаз кайтты
«Элепс» электрохирургия блогын урнаштыру сәламәтлек саклау өлкәсендә заманча таләпләргә бер адым булып тора, бу, һичшиксез, халыкка күрсәтелүче медицина хезмәтләренең сыйфатын яхшырта.
— «Элепс» аппаратын электрохирургиядә кулланалар. Ул операцияләрне югары төгәллек һәм тукымаларга минималь зарар белән башкарырга мөмкинлек бирә. Бу пациентларның тизрәк тернәкләнүенә генә ярдәм итеп калмый, хирургия тыкшынуларыннан соң катлаулану куркынычын да киметә, — ди дәваханәнең баш табибы Зәбир Гыйздәтуллин.
«Озак һәм актив тормыш» гомумдәүләт проектының төп максаты — гражданнарның озын гомеренең яңа күрсәткечләренә ирешү. 2030 елга гомер озынлыгын - 78, ә 2036 елга 81 яшькә кадәр арттыру планлаштырыла.
Гомумдәүләт проекты ярдәмендә медицина учреждениеләре яңартыла, тернәкләндерү системасы камилләштерелә, тикшеренү үзәкләре челтәре үсеш ала, сәламәтлек саклауны санлаштыру буенча эш алып барыла. Яңартылган гомумдәүләт проектлары Русия Президенты Владимир Путин карары буенча 2025 елдан гамәлгә ашырыла.
Фото Башкортстанның Сәламәтлек саклау министрлыгыннан.
