+21 °С
Болытлы
Нацпроекты - гомумдәүләт проектлары
23 сентябрь 2025, 10:26
“Батарейкалар тапшырабыз!”
Башкортстан нефтьчеләре шулай дип аталучы экологик акциягә кушылды.
“Батарейкалар тапшырабыз!”
Оешма хезмәткәрләре эштән туктаган батарея, аккумулятор, пауэрбанк, кесә телефоннары һәм башка мобиль электрониканы эшкәртүгә тапшырды. Чара ил Президенты Владимир Путин тарафыннан билгеләнгән “Экологик иминлек” гомудәүләт проекты кысаларында гамәлгә ашырылды.
Нефть һәм газ чыгару предприятиесе коллективы бу акциядә беренче генә катнашмый. 2022 елда предприятие Нефтекама, Дүртөйле, Октябрьский, Ишембай һәм Уфада урнашкан офисларда батареяләр җыю өчен махсус контейнерлар урнаштырган иде.
Шул вакыттан алып Башкортстан нефтьчеләре табигатьне саклау башлангычы кысаларында 475 килограммнан артык батарея һәм аккумулятор җыйган һәм үтилләштерүгә җибәргән.
Хезмәткәрләрнең табигатьне саклауга җәлеп ителүе кара алтын эзләүчеләрнең экологик балансны саклауга һәм әйләнә-тирә мохитне чиста тоту өчен шәхси җаваплылыкка тартылуын күрсәтә.
“Батарейкалар тапшырабыз!” акциясе Уфа хакимияте тарафыннан 2019 елдан бирле үткәрелә.
Фото: "Башинформ"
