-3 °С
Болытлы
Барлык яңалыклар
Нацпроекты - гомумдәүләт проектлары
24 февраль , 10:25
Кропачево – Мәсәгуть – Әчит юлы ремонтланачак
Башкортстанда быел Русия Президенты Владимир Путин указы белән булдырылган “Яшәү өчен инфраструктура” гомумдәүләт проекты кысаларында 14 километр озынлыктагы Кропачево – Мәсәгуть – Әчит юлы ремонтланачак. Дуван һәм Салават районнарындагы ике участок тәртипкә китереләчәк. Юл төзүчеләр асфальт-бетон өслекне яңартачак, юл кырыйларын ныгытачак һәм билгеләр куячак.
Кропачево – Мәсәгуть – Әчит юлы ремонтланачак
– Кропачево - Мәсәгуть - Әчит юлы республиканың терәк юл челтәренә керә. Ул Башкортстанны Чиләбе һәм Свердловск өлкәләре белән тоташтыра, федераль әһәмияттәге М-5 «Урал», М-12 «Восток» трассаларына юлны тәэмин итә. Шулай ук, бу - туристлык юнәлеше: Салават районының Әлки авылы янындагы «Янгантау» геопаркында «Салават җире» тарихи-мемориаль комплексы, Яха шарлавыгы һәм башка туристлык урыннар урнашкан. Бу юлдан тәүлегенә 3,5 меңнән артык машина үтә, – дип сөйләде Башкортстанның транспорт һәм юл хуҗалыгы министры Любовь Минакова.
Исегезгә төшерәбез, быел Кропачево – Мәсәгуть – Әчит юлында «Яшәү өчен инфраструктура» гомумдәүләт проекты кысаларында, шулай ук, Мәчетле районында Әй елгасы аша күперне ремонтлау дәвам итә. Аның озынлыгы 300 погон метр тәшкил итә.
Барлык эшләрне ел ахырына кадәр тәмамлау планлаштырыла.
Фото: pravitelstvorb.ru
Новости партнеров